2 Samuel 13:36 - Manobo Western Bukidnon OT

³⁶ Nepasad dutun is kegkeǥiyi zin ki David nekeuma kes menge anak ni David he ebpemenineǥew. Ne midsineǥew zaan si David wey langun he menge sakup din.

2 Samuel 13:36 ပူးပေါင်းရင်းမြစ်များ

2 Samuel 12:21

Migkeǥiyan sikandin te menge suluǥuen din te, “Kenè dey egkesavut heini is mid-ulaula nu. Hein uuyag pa kes batà, ne wazè ka megkaan is edsineǥew, guntaan te minatey en kes batà, ne mid-enew ka ne migkaan ka!”

2 Samuel 13:15

Ne zutun, utew nepauk si Amnon kandin, su is utew zin kegkepauk kandin lavew pa te kebmahala zin kandin dutun te nehuna he timpu. Migkeǥiyan ni Amnon sikandin te, “Enew ka wey megawas!”

2 Samuel 13:35

Migkeǥiyan ni Jonadab is hadì te, “Mahal he Hadì, ahaa nu! Heeyan en kes menge anak nu he menge maama, he iyan migkaǥi ku geina.”

2 Samuel 13:37

Midlalew si David te meluǥayad he timpu tenged te anak din he si Amnon. Hein mibpelaǥuy en si Absalom, midhendiyà sikandin te hadì te Geshur he si Talmai, he anak ni Amihud. Diyà sikandin med-ubpà seled te tetelu he tuig.

2 Samuel 18:33

Migkerker si David. Ne nemenahik diyà te ruǥu zin diyà te divavew te pultahan dutun te inged ne midsineǥew. Dutun te kebpemenahik din, ke sikandin te, “He Absalom, anak ku, iyan e en pezem nepatey he elili kenikew. He Absalom, anak ku!”