2 Samuel 13:3 - Manobo Western Bukidnon OT

³ Duen elukuy ni Amnon he metau he edseligkep he iyan is id-aǥew zin he si Jonadab. Anak sikandin te suled ni David he si Simea.

2 Samuel 13:3 ပူးပေါင်းရင်းမြစ်များ

Genesis 3:1

Sikan is uled, ne utew metau he ed-akal te langun he menge langgam he linimbag te Nengazen he Megbevayà. Migkeǥiyan din kes bahi te, “Kenà buwa iyan migkaǥi te Megbevayà is kenè din idtuǥut keniyu is kegkaan te veǥas te minsan hengkey he kayu zini te pemuleey?”

Genesis 38:1

Dutun he timpu, midsuwey si Juda te menge suled din ne ziyà sikandin med-ubpà te ed-ubpaan ni Hira he tig-Adulam.

Genesis 38:20

Wazè en meuǥet ne impahated en ni Juda zuen te emiǥu zin he si Hira he tig-Adulam sikan is kambing he idlekat duen te menge azen he insandè din diyà te vahi, piru wazè din meturedu haazà is bahi.

2 Samuel 13:2

Piru kenè din egkehimu is egkesuatan din he ebeelan diyà te ki Tamar su raǥa pa si Tamar ne zuen layun ebantey kandin. Ne tenged dutun midsiveysivey sikandin, ne hein neuǥet ne midezaru sikandin.

2 Samuel 13:32

Piru migkaǥi si Jonadab he anak te suled ni David he si Simea, “Mahal he Hadì, wazà mepatey is langun he menge anak nu he maama, kekenà, iyan dà si Amnon. Neuǥet dà he duen planu ni Absalom te kedhimetayi zin ki Amnon puun dà dutun te andew te kedleyuǥa ni Amnon te suled din he si Tamar.

2 Samuel 13:4

Ne sevaha he andew, mid-insaan din si Amnon te, “Anak ka te hadì, maan is kada andew egkeehè ku sikew he henduen te meluya ka? Keǥiya nu kedì ke hengkey is igkeseeng nu.” Midtavak si Amnon te, “Egkesuatan ku si Tamar, is hazi ni Absalom te suled ku ziyà te amey.”

2 Samuel 14:2

Umbe, impetawag din is sevaha he vahi he uluwanen he ziyà te Tekoa. Hein nekeuma haazà is bahi, migkeǥiyan ni Joab te, “Uvag kun edlalew ka te minatey. Kukumbalè ka te visti he ibivisti te edlalew, ne kenè ka mebpurungpurung, kekenà, iringi nu is ulaula te vahi he neuǥet en is kedlalew zin tenged te minatey.

2 Samuel 21:21

Hein mid-undaunda zin is menge Israilihanen, ne midhimetayan sikandin ni Jonatan he anak te suled ni David he si Simea.

1 Cronica 2:13

Ne iyan kinekekayan he anak ni Jesse, si Eliab, is ikezuwa, iyan si Abinadab, is iketelu, iyan si Shimea,

1 Cronica 27:32

Si Jonatan he anggam ni Hadì David, ne iyan megsesambag din. Sevaha sikandin he uluwanen he etew wey menunurat. Si Jehiel he anak ni Hacmoni, ne iyan tigpenurù te menge anak te hadì.

Ester 5:10

Piru midtigker zin is pauk din ne mid-ulì sikandin. Kebpekeuma zin, ne mibpesuǥuan din is menge emiǥu zin wey is esawa zin he si Zeresh.

Ester 5:14

Ne migkaǥi ziyà te kandin is esawa zin wey is menge emiǥu zin te, “Pevaal ka te vitayà he 75 he giek is ketikang din ne keeselem ke meselem hengyui nu sikan is hadì he isuǥù din he vitayà dutun si Mordecai, su wey ka mebmelipayen he ebpekiduma te hadì te kedlavung.” Ne utew ingkesuat ni Haman haazà, umbe mibpevaal sikandin te vitayà.

Ester 6:13

Midtudtul zin diyà te esawa zin he si Zeresh wey zuen te menge emiǥu zin sikan is langun he veǥu pa he nehitavù kandin. Ne migkaǥi ziyà te kandin is menge sumesambag din wey esawa zin te, “Egkenaneynaney ke en egkezaag ni Mordecai. Kenè nu sikandin egkezaag su Judio sikandin. Ne siguradu iyan ka egkezaag.”

Erubasa 19:6

Mahabet is edhimu te paaǥi wey zin mepenunuat is etew he lavew is pid-etawan din, ne emun duen etew he ebpekeveǥey te menge keupiyaanan ne mahabet is egkaǥi he emiǥu zin haazà is nekeveǥey te menge keupiyaanan.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Zatù 14:20

Ne sikan is esawa ni Samson impeesawa te maama he avey ni Samson hein nengesawa sikandin.

1 Samuel 16:11

Mid-insaan ni Samuel si Jesse te, “Iyan dè be sikandan menge anak nu?” Midtavak si Jesse te, “Duen pa, is tinengkezan, piru wazà kayi su ebantey sikandin te kerehidu.” Migkaǥi si Samuel te, “Ipehendini, su kenè tew edhimuwen is kebpemuhat emun kenà ebpekeuma kayi.”

1 Samuel 16:9

Ne impehendiyè en maan ni Jesse si Shama te ki Samuel. Migkaǥi si Samuel te, “Kenà sikandin kes mibpilì te Nengazen.”