2 Samuel 13:28 - Manobo Western Bukidnon OT

²⁸ Migkeǥiyan ni Absalom is menge sakup din te, “Teǥazi niw ke egkelangut si Amnon, ne emun edsinyas a, ne himetayi niw en sikandin. Kenè kew mahandek; su iyan a midsuǥù keniyu. Pekezesen kew wey pekevurut kew.”

2 Samuel 13:28 ပူးပေါင်းရင်းမြစ်များ

Genesis 9:21

Sevaha zutun he andew, mid-inum sikandin te vinu he zutun ebpuun te menge pinemula zin he paras, ne nelangut sikandin ne midhizeǥà he nelevasan diyà te tulda zin.

2 Samuel 11:13

midhinggat sikandin ni David he megkaan wey med-inum duma kandin, ne midhubug sikandin ni David. Piru haazà he kezukileman wazè ded sikandin mekeulì, kekenà, nekeuman ded sikandin mekelipezeng duma kes menge suluǥuen ni David.

2 Samuel 11:15

Iyan heini taǥù dutun te surat din: “Iyan ibpehuna si Uria, emun hendei is dekelà he tebek, ne ewai niw en para mepatey sikandin.”

2 Samuel 12:10

Umbe, tenged te mibeelan nu, puun guntaan layun duen tebek wey ebpehimetayà diyà te pemilya nu, tenged te midsupak a kenikew ne migkuwa nu is esawa ni Uria.’

2 Samuel 13:27

Piru midteǥel iyan si Absalom, ne impezume en nasì ni David si Amnon, wey kes duma he menge anak din he maama.

2 Samuel 14:6

ne zuen dezuwa he anak ku he maama. Sevaha zutun he andew midtebek sikandan is dezuwa ziyà te pemuleey, ne tenged te wazà edsambag kandan dutun, ne nepatey is sevaha.

1 Hadì 20:16

Meudtu is kedsurung dan, dutun te ebpemelelangut diyà te tulda zan si Ben Hadad wey sikan is 32 he menge hadì he edlavan kandin.

Ester 1:10

Dutun te ikepitu he andew zutun te keemuran, melipayen is hadì te subra he ked-inum. Midsuǥù din is pitu he menge keugelingen din he sineriǥan he si Mehuman, si Bizta, si Harbona, si Bigta, si Abagta, si Zetar, wey si Carkas. Midsuǥù din sikandan

Salmo 104:15

Duen binu he ebpekelipey kandan, duen lana he ibmesinew te zagwey zan, wey zuen keenen he ebpekepezesen te lawa zan.

Exodus 1:18

Ne impetawag duen te hadì diyà te Ehipto sikan is menge mengunguyamu ne migkeǥiyan din te, “Maan is midsupak niw is insuǥù ku keniyu? Maan is wazè niw penhimetayi is menge vatà he maama he neuyemuwan niw?”

Megwewali 10:19

Is kegkaan wey ked-inum ebpekeveǥey te kelipey ziyà te etew, ne is selapì ebpekeveǥey te langun he egkinehenglanen te etew.

Megwewali 9:7

Megkaan ka wey med-inum ka te vinu he melipayen, su intuǥut heini te Megbevayà.

Daniel 5:30

Dutun dà he kezukileman, midhimetayan si Belshazar is hadì te menge tig-Babilonia.

Nahum 1:10

Iring kew te etew he nelangut he nesepinit diyà te zuǥiyen he zezeisey he kayu. Edezeetan kew iyan iring te ebinsulan he reǥami.

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”

Zatù 19:22

Dutun te kedlipeylipey zan, midtik-awan liǥuyi te lalung he menge etew zutun te inged haazà is baley ne mibpemukpuk dan is gemawan. Ne mibensaǥan dan sikan is meǥurang te, “Ipeǥawas nu heeyan is meǥeliyug nu he maama su edhilevetan dey sikandin.”

Zatù 19:6

Umbe, migkaan sikandan. Ne hein netegteǥaad migkaǥi zed sikan is enuǥang din te, “Keeselem kew en genat su edlipeylipey kiw zèpa kayi.”

Zatù 19:9

Ne hein egenat en haazà is Levihanen wey sikan is esawa zin wey suluǥuen din, migkaǥi en maan haazà is enuǥang din te, “Mahapun en, ne meǥaan en egkezukilem. Deyzey ke ed-uman kew en dini edhizeǥà. Lipeylipey kew zèpa zini ne keeselem kew en ulì ke meselem.”

Ruth 3:7

Ne hein nekepasad si Boaz is egkaan wey ed-inum wey meupiya is gehinawa zin, midhizeǥà sikandin dutun te uvey te intambù he barli. Ne hein nekelipezeng mid-uvey si Ruth is ednaneynaney, ne midluwis din is malung diyà te menge paa ni Boaz, ne midhizeǥà dutun.

1 Samuel 18:22

Netegteǥaad dutun midsuǥù ni Saul is menge sakup din he lelaǥi zan si David he wazà duma he egketau. Ibpekeǥiyan kandan te, “Egkesuatan ka utew te hadì wey is langun he menge suluǥuen din. Umbe pemineg ke en he ebmekeemungen din.”

1 Samuel 28:10

Nenaad si Saul kandin te, “Pinaaǥi te ngazan te uuyag he Nengazen, ne wazà mezaat he egkehitavù kenikew pinaaǥi kayi.”

1 Samuel 28:13

Migkeǥiyan ni Saul sikandin te, “Kenè ka mahandek. Hengkey ves is neehè nu?” Midtavak kes bahi te, “Neehè ku is sevaha he gimukud he migawas puun te tanà.”