2 Samuel 12:7 - Manobo Western Bukidnon OT

⁷ Ne migkeǥiyan ni Natan si David te, “Iyan ka haazà! Iyan heini lalag te Nengazen he Megbevayà te Israel: ‘Mibpilì ku sikew he hadì te Israel ne midlibri ku sikew ziyà te ki Saul.

2 Samuel 12:7 ပူးပေါင်းရင်းမြစ်များ

2 Samuel 14:13

Migkaǥi haazà is bahi te, “Kenè be salè nu heeyan diyà te menge etew te Megbevayà is kedlevani nu te anak ku piru is kenikew he anak he mibpelaǥuy ne wazè nu ipeulì?

2 Samuel 22:1

Migkentahan ni David is Nengazen dutun te kedluwasa kandin te Nengazen diyà te ǥehem te menge kuntada zin wey ziyà te ki Saul.

2 Samuel 22:49

Midluwas a kenikew zutun te utew menge mesipala he menge kuntada ku, ne ibpezaag nu kedì sikandan.

2 Samuel 7:8

“Keǥiyi nu pa si David he iyan a, is Nengazen he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.

1 Hadì 14:7

Ulì ka ne keǥiyi nu si Jeroboam te iyan heini egkeǥiyen te Nengazen he Megbevayà te Israel: Mibpilì ku sikew puun te menge etew, ne midhimu ku sikew he pengulu te menge etew ku he menge Israilihanen.

1 Hadì 18:18

Midtavak si Elias te, “Kenà a iyan ebpendezaat te Israel, kekenà, iyan ka wey is pemilya te amey nu. Su wazè niw tumana is menge suǥù te Nengazen wey mid-azap niw is menge ledawan ni Baal.

1 Hadì 20:40

Ne hein nepulikì a te zuma he vuluhaten ne nekepelaǥuy haazà is bihag.” Migkaǥi haazà is hadì te, “Ereg ka he edsilutan te sungkad te migkaǥi nu.”

1 Hadì 20:42

Migkeǥiyan din haazà is hadì te, “Iyan heini lalag te Nengazen: Tenged te impaawè nu sikan is etew he migkaǥi ku he ereg he edhimetayan, ne iyan ka edhimetayan he ilis din, ebpenhimetayan daan is menge etew nu he ilis te menge etew zin.”

Salmo 18:1

Nengazen, iyan ka mibeǥey kedì te zesen, ne mahal ku sikew.

Jeremias 34:6

Ne midhendiyà si Jeremias te Jerusalem, ne migkaǥi zin haazà is langun diyà te ki Hadì Zedekia he hadì te Juda.

Daniel 4:22

Mahal he Hadì, iyan ka haazà is kayu. Su nehimu ka he mekeǥeǥehem ne iring te nekeume en diyà te langit is kegkemekeǥeǥehem nu, ne is kedhadì nu nekeuma ziyà te minsan hendei kayi te kelibutan.”

1 Samuel 13:13

Migkaǥi si Samuel te, “Kelelelungan is mibeelan nu. Wazè nu tumana is insuǥù kenikew te Nengazen he iyan Megbevayè nu he intelaan din kenikew. Emun midtuman nu pezem, ne is menge kevuwazan nu ne iyan ebpedayun he edhadì te Israel.

1 Samuel 15:17

Migkaǥi si Samuel te, “Minsan mid-isip nu zengan is keugelingen nu he egkaayuayu, mibpilì ka ǥihapun te Nengazen he egkehimu he hadì te mge tribu te Israel.

1 Samuel 16:13

Ne migkuwa ni Samuel kes lana ne midlenahan din is ulu ni David he zutun te etuvangan te menge suled din. Ne puun dutun mid-ulinan si David te Mulin-ulin te Nengazen. Ne mid-ulì human si Samuel ziyà te Rama.

1 Samuel 18:21

Neisip din is, “Ibpeesawa ku si Mical ki David, ne edhimuwen ku sikandin he epan para mepatey si David te menge Filistihanen.” Umbe migkeǥiyan ni Saul si David te, “Duen pa penahun he egkehimu ku sikew he mekaamung.”

1 Samuel 23:14

Mid-eles si David diyà te menge vuvungan diyà te sibsivayan te Zif. Andew-andew is kebpen-ahaa kandin ni Saul, piru wazà iveǥey sikandin te Megbevayà ki Saul.

1 Samuel 23:7

Duen neketudtul ki Saul he ziyà si David te Keila. Umbe nekekaǥi si Saul te, “Mibpeveyveyaan sikandin kedì te Megbevayà, su henduen be te mibpirisu zin is keugelingen din te kedseled din te inged he nelingut te verengbeng.”