2 Samuel 12:30 - Manobo Western Bukidnon OT

³⁰ Migkuwa ni David is bulawan he inkuruna te ulu te hadì te menge Amunihanen ne insuup te ulu zin. Ne is keveǥat kayi he kuruna ne menge 35 he kilu, ne zuen kayi mahalen he menge vatu. Utew mezakel he menge azen is nengekuwa ni David dutun he inged.

2 Samuel 12:30 ပူးပေါင်းရင်းမြစ်များ

2 Samuel 12:29

Dutun midtiǥum ni David is langun he nesamà he menge sundaru ne midsurung dan is Raba, ne naaǥew zan heini.

1 Cronica 20:2

Ne midhendiyà si David te Raba, ne migkuwa zin kes bulawan he inkuruna te ulu te hadì te menge Amunihanen ne insuup te ulu zin. Ne is keveǥat kayi he kuruna ne menge 35 he kilu ne zuen kayi mahalen he menge vatu. Utew mezakel he menge azen is nengekuwa ni David dutun he inged.

Salmo 21:3

Midawat nu sikandin ne mibeǥayan nu te meupiya he menge vutang. Migkurunahan nu sikandin te lunsey he vulawan.

Zacarias 6:11

Ne peveeli nu he kuruna sikan is menge pelata wey menge vulawan. Ne ikuruna nu haazà diyà te ulu te lavew he memumuhat he si Josue he anak ni Jehozadak.