2 Samuel 12:26 - Manobo Western Bukidnon OT

²⁶ Midsurung eni Joab is Raba, he iyan kepital te Ammon, ne hapit dan en heini egkaaǥew.

2 Samuel 12:26 ပူးပေါင်းရင်းမြစ်များ

2 Samuel 11:1

Neuma is timpu he iyan tinghipanew te menge hadì te kebpekidtebek, wazà mulà medhipanew si David, diyè dà sikandin mebpelintetaǥak te Jerusalem. Iyan din dà impehipanew te kebpekidtebek si Joab, wey is menge upisyal zin, wey is langun he menge sundaru te Israel. Nezaag eni Joab is menge Amunihanen ne midlingutan dan is Raba.

2 Samuel 11:25

Migkeǥiyan ni David haazà is mibpenudtul te, “Keǥiyi nu si Joab he kenà meseeng te nehitavù, su kenè ta egketuenan ke hentei is egkepatey ziyà te tebek. Keǥiya nu he mebpekelig-en sikandin, ne pedeyuna zin te edsurung haazà is inged taman te egkezezeetan heini.”

2 Samuel 12:25

ne midsuǥù din is ebpeneuven he si Natan he egngezanan din haazà is batà te Jedidia su mibmahal zin sikandin.

2 Samuel 12:27

Midsuǥù si Joab te menge etew he ibpepenudtul ziyà te ki David he egkaǥi te, “Midsurung dey is Raba ne naaǥew zey is kuweey zan te wahig.

2 Samuel 17:27

Hein nekeuma ensi David diyà te Mahanaim, ne migelǥelawan sikandan ni Shobi he anak ni Nahash he Amunihanen, he ziyà ed-ubpà te Raba, ni Makir he anak ni Amiel, he tig-Lo Debar, wey ni Barzilai he Gilyadnen, he tig-Rogelim.

Salmo 60:9

Hentei is ed-uwit kedì diyà te Edom wey ziyà te inged kayi he mibpeliǥuyan te menge verengbeng?

Ezekiel 25:5

Edhimuwen ku he penebtavà te menge kemilyu is inged he Raba, ne is tivuuk he Ammon edhimuwen ku he himelayà te menge kerehidu. Ne zutun egketuenan niw he iyan a Nengazen.’

Deuteronomio 3:11

(Si Hadì Og he hadì te Bashan iyan dà nesamà te menge kevuwazan te menge Ripanhen. Is putew he hizeǥaan din, 13 he ǥiek is kelayat din ne 6 he ǥiek is keluag din. Ne kemulu pa heeyan egkaahà diyà te Raba guntaan he inged te menge Amunihanen.)