2 Samuel 12:25 - Manobo Western Bukidnon OT

²⁵ ne midsuǥù din is ebpeneuven he si Natan he egngezanan din haazà is batà te Jedidia su mibmahal zin sikandin.

2 Samuel 12:25 ပူးပေါင်းရင်းမြစ်များ

2 Samuel 12:24

Dutun ne midlangan ni David is esawa zin he si Batsheba ne mibpehulizè dan. Mibmeǥingey si Batsheba ne mid-anak te maama, ne migngezanan dan sikandin ki Solomon. Mibmahal te Nengazen haazà is batà,

2 Samuel 12:26

Midsurung eni Joab is Raba, he iyan kepital te Ammon, ne hapit dan en heini egkaaǥew.

2 Samuel 7:4

Piru te haazà he kezukileman mibpekidlalag is Nengazen ki Natan te,

1 Hadì 1:11

Midhendiyà si Natan te ki Batsheba he iyan iney ni Solomon, ne mid-insà te, “Wazè nu ve metueni he midhimu en ni Adonia is keugelingen din he hadì, ne wazà heini metueni ni Hadì David?

1 Hadì 1:23

Duen etew he migkeǥiyan din haazà is hadì te nekeuma si Natan, umbe impetawag sikandin duen te hadì. Kedseled ni Natan, midluhud sikandin su edtehuzen din haazà is hadì.

1 Hadì 1:8

Piru wazà mulà meduyug kandin si Zadok he memumuhat, si Benaya he anak ni Jehoyada, si Natan he ebpeneuven, si Shimei, si Rei, wey is menge vantey ni David.

1 Hadì 4:5

Is pengulu te menge gubirnedur ziyà te menge distritu te Israel iyan si Azaria he anak ni Natan. Is sumesambag duen te hadì iyan si Zabud he memumuhat, he anak daan ni Natan.

1 Cronica 22:9

Piru ebeǥayan ku sikew te anak he maama he edhadì he melinawen su kenà sikandin edsemuken te langun he menge kuntada zin he nekelingut kandin. Iyan ngazan din si Solomon, su ebeǥayan ku te kelinew is Israel dutun te kedhadì din.

1 Cronica 3:5

Ne iyan heini menge anak din he neetew ziyà: si Shimea, Shobab, Natan, wey Solomon. Heini sikandan is heepat ne anak din diyà te ki Batsheba he anak ni Amiel.

Nehemias 13:26

Ne migkeǥiyan ku sikandan te, “Kenè be iyan heini hinungdan te kebpekesalà ni Hadì Solomon he hadì te Israel? Wazà hadì diyà te minsan hendei he nasyun he iring kandin. Pinelanggà sikandin te Megbevayè din, ne midhimu sikandin te Megbevayà he hadì te tivuuk he Israel. Piru liyu zutun nekevaal sikandin te salà tenged te ked-iniyata kandin te menge esawa zin he kenà menge Israilihanen.

Deuteronomio 33:12

Mehitenged te tribu ni Benjamin, migkaǥi si Moises te, “Pinelanggà te Nengazen is tribu ni Benjamin, ne ibpekeziyù din sikandan te ebpekezezaat wey ebpengelangan din sikandan te tivuuk he andew.”