2 Samuel 12:21 - Manobo Western Bukidnon OT

²¹ Migkeǥiyan sikandin te menge suluǥuen din te, “Kenè dey egkesavut heini is mid-ulaula nu. Hein uuyag pa kes batà, ne wazè ka megkaan is edsineǥew, guntaan te minatey en kes batà, ne mid-enew ka ne migkaan ka!”

2 Samuel 12:21 ပူးပေါင်းရင်းမြစ်များ

2 Samuel 12:20

Ne mid-enew si David, nemeziǥù, midheplasan din is lawa zin te mehemut he lana ne mid-ilis. Ne midhendiyà sikandin te valey te Nengazen ne midsimba. Nekepasad ne mid-ulì sikandin ne mibuyù te keenen, ne migkaan sikandin.

2 Samuel 12:22

Midtavak si David te, “Uya, mibpuasa a wey midsineǥew a hein uuyag pa kes batà su iyan egkeisip ku is kela ke mehizuwi e zed te Nengazen ne kenè din ded idtuǥut he mebpatey kes batà.

2 Hadì 20:3

Ke sikandin te, “Nengazen, tentenuzi nu is kegkemepezumdumahan ku kenikew kayi te kebpengungubpaan ku, nenilbi a kenikew te ebpuun diyà te gehinawa ku, wey meupiya is baal ku ziyà te etuvangan nu.” Ne utew sikandin nekesineǥew.