2 Samuel 12:13 - Manobo Western Bukidnon OT

¹³ Ne migkeǥiyan ni David si Natan te, “Nekesalà a te Nengazen.” Midtavak si Natan te, “Mibpesaylu ke en te Nengazen, ne kenè ke zed ebpatey kayi he salà.

2 Samuel 12:13 ပူးပေါင်းရင်းမြစ်များ

Genesis 39:9

Henduen be te nekedrepeng key kayi te valey, su insarig din is langun kediey kayi ǥawas kenikew su esawa ke zin man. Kenà egkehimu he edlimbungan ku is egalen ku wey ebaal a te salà diyà te Megbevayà.”

2 Samuel 24:10

Ne mibmezaat is gehinawa ni David hein nepasad is kedsinsusa zin te menge etew. Ne migkeǥiyan din is Nengazen te, “Nekesalà a kayi te mibeelan ku. Umbe ebpehizuhizu a kenikew, Nengazen, he peseyluwa a kenikew is suluǥuen nu te salè ku, su kelelalung is mibeelan ku.”

2 Samuel 24:17

Hein naahà ni David haazà is belinsuǥuen he mibpenhimatey te menge etew, migkeǥiyan din is Nengazen te, “Iyan a nekesalà. Heini is menge etew ne wazè dan peleng iring te menge kerehidu. Wazè dan mekevaal te salà. Iyan e en wey is pemilya ku siluti.”

1 Hadì 13:4

Ne kegkezineǥa zutun ni Hadì Jeroboam, ne intezù din haazà is etew he ke sikandin te, “Dekepa niw sikandin!” Ne midtinderan is belad duen te hadì, umbe kenè din en igkehendiyà te zizalem is belad din.

1 Hadì 21:20

Ne hein naahà ni Ahab si Elias ke sikandin te, “Neehè e ves te kuntada ku!” Midtavak si Elias te, “Uya, midhengkayi a te kenikew su geina te iyan nu zà layun egkesuatan is kebaal te mezaat diyà te etuvangan te Nengazen!

1 Hadì 22:8

Midtavak si Ahab ki Jehoshafat te, “Duen pa sevaha he egkepenginginsaan ta ke hengkey is egkekaǥi te NENGAZEN–si Micaya he anak ni Imla. Piru egkeepesan ku sikandin su wazà meupiya he menge tagnè din para kedì, kekenà, pudu zà kenà meupiya.” Midtavak si Jehoshafat te, “Kenè ka ereg he egkaǥi te iring keniyan.”

2 Hadì 1:9

Ne midsuǥù is hadì te sevaha he upisyal duma te 50 he menge etew te kedakep ki Elias. Hein neturedu zuen te upisyal si Elias he ebpimpinuu ziyà te puntur te vuvungan, migkeǥiyan dutun te upisyal te, “Sikew is suluǥuen te Megbevayà, midsuǥù a te hadì he ibpehendiyè ka te kandin.”

1 Cronica 21:8

Ne migkeǥiyan ni David is Megbevayà te, “Nekesalà a kayi te mibeelan ku. Umbe ebpehizuhizu a kenikew, Nengazen, he peseyluwa a kenikew is suluǥuen nu te salè ku, su kelelalung is mibeelan ku.”

2 Cronica 16:10

Tenged kayi, ne nepauk utew sikandin dutun te ebpeneuven, umbe impepirisu zin sikandin. Ne puun dutun he timpu mibpuun si Asa mebpendaagdaag te zuma he menge etew zin.

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

Job 33:27

Ne egkeǥiyan din is menge etew te, ‘Nekesalà a; mibaal a te kenà hustu, piru wazè ku mezawat is silut te Megbevayà he ereg kediey.

Salmo 103:12

Ke sengemenu keziyù is edsilaan diyà te edsenlepan, iyan daan kebpekeziyua zin kenitew puun te menge salè tew.

Salmo 51:16

Kenè nu igkesuat is menge pemuhat, ne minsan pa ke ebpemuhat a ziyà te kenikew te pemuhat he edtutungen, ne kenè nu heini igkelipey.

Salmo 51:4

Diyè e zà te kenikew mekesalà. Mibeelan ku is menge vaal he mid-isip nu he mezaat. Umbe hustu is menge lalag nu he ebpekesuǥat kedì. Utew hustu is kedhukumi nu kediey.

Salmo 51:6

Iyan egkesuatan nu is ebpuun te keputian te atey he meheǥet wey tinutuuwà he ked-ul-ulaha te hustu; umbe penurua a su wey a mehimu he uluwanen.

Exodus 9:27

Ne mibpesuǥuan te hadì si Moises wey si Aaron. Ne ke sikandin diyà te kandan te, “Guntaan netuenan ku en he nekesalà a; netuenan ku he ebpekevenar is Nengazen ne iyan a nesayep wey is menge etew ku.

Erubasa 25:12

Is kedawey te etew he uluwanen te etew he egkesuat he ebpemineg mahal pa heini kenà te elahas he vulawan.

Erubasa 28:13

Is etew he id-eles din is menge salè din ne kenà ed-uswag, iyan, is etew he idtug-an din wey ed-engkezan din te ed-ulaula is menge salè din, igkehizu sikandin te Megbevayà.

Isaias 38:17

Tutuu, he is kemeresayan ku para te keupiyaanan ku. Tenged te kebmahala nu kedì, midlibri a kenikew te kezeetan wey mibpesaylu a kenikew te menge salè ku.

Isaias 43:24

Wazà a kenikew pemesahi te veyewà etawa wazà a kenikew pezaa te tavà te menge pemuhat nu. Piru mibpeveǥatan a hinuun kenikew wey midsamuk nu te menge salè nu.

Isaias 44:22

Id-awè ku en is menge salè nu iring te kivel etawa gapun. He Israel, likù ka kayi te kedì, su edlibriyen ku sikew.”

Penhulùhulù 3:32

Minsan ebeǥey sikandin te kelised, ibpeehè din gihapun is hizu zin tenged te kezekelà te kebmahal zin he wazà pidtemanan.

Leviticus 20:10

Emun ebpekidhilavet is maama te esawa te zuma, ne sikandin wey kes bahi kinahanglan he edhimetayan.

Leviticus 24:17

“Is minsan hentei he ebpekepatey te etew, kinahanglan he edhimetayan daan.

Zacarias 3:4

Umbe, migkaǥi haazà is belinsuǥuen diyà te zuma he menge velinsuǥuen he ebpemenhitindeg diyà te etuvangan ni Josue te, “Luwasa niw is meremerik he visti zin.” Ne migkeǥiyan din si Josue te, “In-awè ku en is menge salè nu. Ne ǥuntaan ebistiyan ku sikew te veǥu he visti.”

1 Samuel 15:20

Midtavak si Saul te, “Piru mibpezumdumahan ku is Nengazen. Mibeelan ku is mibpeveelan din kedì. Mibihag ku si Agag he hadì te menge Amalikanhen, ne midhimetayan ku is langun he sakup din.

1 Samuel 15:30

Midtavak si Saul te, “Nekesalà a. Piru edhangyù a he kenè nu zèdeeti is dengeg ku kayi te menge ebpemendumala te keet-etawan ku wey etuvangan te tivuuk he Israel pinaaǥi te kedumahi nu kedì te ked-azap te Nengazen he Megbevayè nu.”