2 Samuel 12:1 - Manobo Western Bukidnon OT

¹ Midsuǥù is Nengazen te ebpeneuven he si Natan diyà te ki David. Hein nekeuma sikandin diyà te ki David, migkaǥi sikandin te, “Duen dezuwa he etew he ed-ubpà te sevaha he inged. Is sevaha ne sepian ne is sevaha ne pubri.

2 Samuel 12:1 ပူးပေါင်းရင်းမြစ်များ

2 Samuel 11:25

Migkeǥiyan ni David haazà is mibpenudtul te, “Keǥiyi nu si Joab he kenà meseeng te nehitavù, su kenè ta egketuenan ke hentei is egkepatey ziyà te tebek. Keǥiya nu he mebpekelig-en sikandin, ne pedeyuna zin te edsurung haazà is inged taman te egkezezeetan heini.”

2 Samuel 12:2

Mezakel utew is kerehidu wey vaka zutun te sepian,

2 Samuel 14:14

Is langun he etew ebpatey, iring te wahig he egkeulaan diyà te tanà he kenè en ebpekelikù. Piru kenà igkesuat te Megbevayà is kegkuwaa te untung te etew; iyan pa ganì egkesuatan din he medlikù diyà te kandin is menge etew he mibpekeziyù kandin.

2 Samuel 7:17

Midtudtul ni Natan ki David is langun he impezayag te Megbevayà diyà te kandin.

1 Hadì 1:8

Piru wazà mulà meduyug kandin si Zadok he memumuhat, si Benaya he anak ni Jehoyada, si Natan he ebpeneuven, si Shimei, si Rei, wey is menge vantey ni David.

1 Hadì 13:1

Dutun he timpu midsuǥù te Nengazen is sevaha he suluǥuen din he tig-Juda te kedhendiyà te Betel. Ne kebpekeuma zin diyà, ne edhithitindeg si Jeroboam diyà te pemuhatà su ebpemuhat.

1 Hadì 18:1

Tetelu en he tuig he wazà med-uzan. Ne sevaha zutun he timpu, migkaǥi is Nengazen diyà te ki Elias te, “Hipanew ka ne peehè ka ki Ahab, su ibpeuzan ku en.”

1 Hadì 21:18

“Genat ka, hendiyè ka te ki Hadì Ahab he hadì te Israel, he midhadì diyà te Samaria. Diyà sikandin te pemuleey ni Nabot te paras su egkesuatan din heini te ed-angken.

1 Hadì 4:5

Is pengulu te menge gubirnedur ziyà te menge distritu te Israel iyan si Azaria he anak ni Natan. Is sumesambag duen te hadì iyan si Zabud he memumuhat, he anak daan ni Natan.

2 Hadì 1:3

Piru migkeǥiyan te velinsuǥuen te Nengazen si Elias he tig-Tishbe te, “Genat ka ne hingumaa nu sikan is menge etew he midsuǥù duen te hadì te Samaria ne keǥiyi nu te, ‘Maan is edhendiyè kew te ki Baal Zebub, he ed-ezapen diyà te Ekron? Wazè be Megbevayà te Israel?

1 Cronica 29:29

Is guǥud mehitenged te kedhadì ni Hadì David, puun te puunà taman te ketepusan, ne ingkesurat heini ziyà te menge libru te menge ebpeneuven he si Samuel, Natan wey Gad.

Isaias 39:3

Dutun he timpu, is ebpeneuven he si Isaias midhendiyà te ki Hadì Hezekia ne mid-insà te, “Hendei ebpuun heeyan he menge etew, wey hengkey is kinahanglan dan?” Midtavak si Hezekia te, “Ebpuun sikandan diyà te meziyù he lugar, he Babilonia.”