2 Samuel 11:4 - Manobo Western Bukidnon OT

⁴ Ne zutun impekuwa ni David si Batsheba. Ne hein nekeume en sikandin diyà te ki David, ne mibpehulizè dan. (Beveǥu pa zutun he nepasad ni Batsheba is tulumanen te kebpenlumpiyu tenged te vinulan he ebpekeuma te vahi.) Nepasad dutun is kebpekedhulid dan ne mid-ulì sikandin.

2 Samuel 11:4 ပူးပေါင်းရင်းမြစ်များ

Genesis 34:2

Naahà sikandin ni Shekem he anak ni Hamor he Hivihanen, he pengulu zengan dutun he lugar. Mid-eǥen din si Dina ne midlayug din.

Genesis 39:7

Ne wazà meuǥet, neimahan sikandin te esawa te egalen din. Ne midhinggat din si Jose he ebpehulizè dan.

2 Samuel 12:12

In-eles nu is kenà meupiya he mibeelan nu, piru is ebeelan ku kenikew ne ibpeǥawaǥawa ku mulà.’ ”

Salmo 50:18

Emun ebpekeehè kew te tekawen ne ebpekid-emiǥu kew kandin, wey ebpekidrerempungen kew zaan te menge mengungumpadi.

Erubasa 30:20

Iyan heini ed-ul-ulahan te vahi he mengungumpadi: Ebpehilavet sikandin te zuma he maama, ne kegkeipus dutun ebpemeziǥù ne ke sikandin diyà te esawa zin te wazè din mid-ulaula he mezaat.

Leviticus 15:18

Emun ebpehilevetà is maama wey vahi ne egewasan is maama te similya, kinahanglan he mebpemeziǥù sikandan is dezuwa, piru ed-isipen pa ǥihapun sikandan he meremerik taman te mahapun.

Leviticus 18:19

Kenè ka mebpekidhilavet te vahi he edlengesahan su meremerik sikandin.

Deuteronomio 5:18

“ ‘Kenè kew mebpengumpadi.