2 Samuel 11:2 - Manobo Western Bukidnon OT

² Hein sevaha he mahapun dutun te meǥaan en edsanlep is andew, mid-enew si David ne midhiphipanew zuen te patag he atep te turuǥan din. Dutun te ebpememantew sikandin, neehè din diyà te zizalem is utew metaid he vahi he ebpemeziǥù.

2 Samuel 11:2 ပူးပေါင်းရင်းမြစ်များ

Genesis 12:11

Ne hein meǥaan dan en ebpekeuma ziyà te Ehipto, migkeǥiyan din is esawa zin te, “Sikew, utew ka mekempet he vahi.

Genesis 3:6

Ne hein nesavut te vahi he metaam bes he egkeenen haazà is beǥas te kayu, wey meupiya zaan he ed-ahaan wey nesavut din daan he utew haazà egkinehenglana su wey zan mehimu he utew metau, ne midrupù sikandin dutun ne migkaan din. Ne mibeǥayan din daan is esawa zin he zuma zin daan dutun ne migkaan daan sikandin.

Genesis 34:2

Naahà sikandin ni Shekem he anak ni Hamor he Hivihanen, he pengulu zengan dutun he lugar. Mid-eǥen din si Dina ne midlayug din.

Genesis 39:6

Ne tenged dutun, insarig ni Potifar ki Jose is langun he azen din su emun iyan si Jose edumala ne kenè en sikandin egkesamuk gawas te kegkaan. Metaid si Jose wey meupiya is kedlelawa zin.

Genesis 6:2

Naahà duen te menge anak te Megbevayà he memekempet is menge vahi he anak te menge etew, ne mid-esawa zan dutun is menge vahi sumalà is egkesuatan dan.

2 Samuel 13:1

Duen utew mekempet he anak he raǥa ni David he egngezanan ki Tamar, he suled ni Absalom. Si Amnon ne suled ni Tamar ziyà te amey, ne mibmahal ni Amnon si Tamar.

2 Samuel 14:27

Duen menge anak ni Absalom he tetelu he menge maama ne sevaha is bahi. Is ngazan dutun te vahi ne si Tamar, ne utew heini sikandin metaid.

2 Samuel 4:5

Ne sevaha he andew, midhendiyà te valey ni Ishboshet si Recab wey si Baanah he menge anak ni Rimon he tig-Beerot. Neudtu zutun is andew te kebpekeuma zan; si Ishboshet ne ebperperenggey.

Job 31:1

“Nenangdù a he kenè ku ebpezumahan te arig is kedtengteng ku te menge raǥa.

Salmo 119:37

Ilikey a kenikew te kedtinguhà te menge vutang he wazè dan pulus. Ne pekeluǥeyaza nu pa is untung ku sumalà te insaad nu.

Erubasa 19:15

Emun ebpepepeǥul ka wey edtulung ke zà edlipezeng ne siguradu ebitilen ka.

Erubasa 31:30

Is kekempet te vahi ebpekelimbung, ne edlavey zà. Is bahi he edtahud te Nengazen ne iyan dait he edeliǥen.

Erubasa 6:25

Kenè ka petintal tenged te kekempet din. Kenè ka peuwit te mekevivihag he menge mata zin.

Erubasa 7:8

Midhipanew sikandin pehendiyà te suyuk he zutun kes ed-ubpaan te sevaha he vahi he mengungumpadi.

Jeremias 19:13

Uya, is langun he ubpeey ziyà te Jerusalem, ragkes en is turuǥan te menge hadì te Juda, ed-isipen he meremerik iring te Tofet. Diyà te atep kayi he menge valey, edtutung is menge etew te menge veyewà he para te ed-ezapen dan he menge vituen, wey ebpemuhat dan kayi te pemuhat he inumen he para te zuma he menge ed-ezapen.’ ”

Deuteronomio 22:8

“Emun ebevaley kew, kinahanglan he edteuzan niw te alang is ebpekeliǥuy zuen te patag he atep niw, su para wazè niw televaken emun duen ebpatey he egkeulug puun te atep niw.

Deuteronomio 5:21

“ ‘Kenè niw meimahi is esawa te zuma niw, etawa valey, tanà, menge suluǥuen, menge uyaǥen dan, wey minsan hengkey he ǥaked dan.’

1 Samuel 9:25

Hein midlikù dan diyà te inged puun diyà te simbahan diyà te metikang he lugar, mid-endaman ni Samuel te egkehizeǥaan si Saul ziyà te patag he atep te valey zin,