2 Samuel 11:11 - Manobo Western Bukidnon OT

¹¹ Midtavak si Uria te, “Sikan is Kavan te Kebpekid-uyun wey is menge sundaru te Israel wey Juda diyà te kampu zan diyà te menge suǥud, ne zutun daan is peremandar zey he si Joab wey is menge upisyal zin. Ebpekehimu e pe be he ed-ulì te kegkaan, ked-inum, wey te kedhulid te esawa ku? Ibpenangdù ku kenikew he kenè ku egkeulaula is iring keniyan.”

2 Samuel 11:11 ပူးပေါင်းရင်းမြစ်များ

2 Samuel 11:10

Hein netudtulan si David he wazà med-ulì si Uria, impetawag din ne mid-insaan din te, “Maan is wazè ka med-uli? Neuǥet en he wazè ka mekeulì diyà te keniyu.”

2 Samuel 14:19

Mid-insà is hadì te, “Iyan be si Joab mibpenurù kenikew kayi?” Midtavak haazà is bahi te, “Kena a ebpekevelivad te tavak te insè nu, Mahal he Hadì. Uya, si Joab he suluǥuen nu is midsuǥù kedì te kebaal kayi wey iyan sikandin mibpenurù ke hengkey is egkeǥiyen ku.

2 Samuel 20:6

Umbe, migkeǥiyan te hadì si Abishai te, “Tuwas pa he mezaat is ebeelan kenitew ni Sheba, kenà te mibeelan ni Absalom. Umbe ǥuntaan, dumaha niw is menge sakup ku ne del-asa niw sikandin, su kela ke mekaaǥew sikandin te vinerengbeng he menge inged ne egkepeleǥuyan kiw zin.”

2 Samuel 7:2

Ne sevaha he andew, migkeǥiyan ni David is ebpeneuven he si Natan te, “Kayi e en guntaan med-ubpà te utew mekempet he ubpeey he is menge pengawid din, ne ebpuun te kayu he sidru, piru haazà is Kavan te Kebpekid-uyun te Megbevayà ne zutun dà te tulda.”

2 Samuel 7:6

Wazè e pa mekeubpà te valey he zutun a ed-ezapa is Megbevayà puun pa te timpu te kebpeǥewasa ku te menge Israilihanen puun te Ehipto taman guntaan. Nekehalinhalin ad is diyà ed-ubpà te tulda.

Numero 32:6

Ne migkaǥi si Moises diyà te tribu ni Gad wey ni Reuben te, “Iyan be ibpesavut niw he kayi kew zà mulà minsan ebpekidtebek is duma niw he menge Israilihanen?

1 Samuel 1:26

Migkeǥiyan ni Hana si Eli te, “Datù, egketenuzan nu pa vuwa, iyan a kes bahi he midhitindeg kayi zengan is ebpengemuyù diyà te Nengazen.

1 Samuel 14:18

Migkeǥiyan ni Saul si Ahia te, “Uwita kayi kes Kavan te Kebpekid-uyun te Megbevayà.”

1 Samuel 17:55

Hein naahà ni Saul si David he ed-uvey ki Goliat he ebpekidtebek, mid-insaan din si Abner he peremandar te menge sundaru te, “Abner, hentei ves ki anak heeyan is betan-en?” Midtavak si Abner te, “Wazè ku metueni, Mahal he Hadì.”

1 Samuel 20:3

Midtavak si David te, “Netuenan te amey nu he utew ki teleelukuy, umbe ed-elesan ke zin te planu zin he edhimetayan e zin su kela ke mebmesakit is gehinawa nu. Piru egkeǥiyen ku kenikew ziyà te etuvangan te uuyag he Nengazen, he ǥuntaan ebpemiligru-a te kemetayen.”

1 Samuel 25:26

“Umbe guntaan, kenà egkesuat is Nengazen he mekevales ka wey mekepatey ka. Ibpenangdù ku ziyà te uuyag he Nengazen wey ziyà te kenikew he is menge kuntada nu wey is langun he egkesuat he ebpesipala kenikew ne meiringi zan is egkeulaula ki Nabal.

1 Samuel 4:4

Umbe, midsuǥù sikandan te menge etew he ibpekuwa ziyà te Shilo kes Kavan te Kebpekid-uyun te Nengazen he Mekeǥeǥehem. Is tangeb din ne zuen dezuwa he ledawan te kirubin, ne zutun is Nengazen ed-ubpà te pid-elangan. Elin daan dutun miduma kes dezuwa he anak ni Eli he si Hofni wey si Finehas.