2 Samuel 10:18 - Manobo Western Bukidnon OT

¹⁸ Piru nepeleǥuyan te menge Aramihanen is menge Israilihanen. Ne 700 he ebpemen-untud te kerwahi is nengepatey eni David wey 40,000 he pereuntud te kudà. Nepatey zan daan si Shobac, is peremandar te menge sundaru.

2 Samuel 10:18 ပူးပေါင်းရင်းမြစ်များ

2 Samuel 10:17

Hein netuenan haazà ni David, midtiǥum din is langun he menge sundaru te Israel para te kebpekidtebek. Ne midrapas dan te Wahig he Jordan ne midhendiyè dan te Helam. Nekaandam en is menge Aramihanen para te kebpekidtebek ki David, ne zutun midtebek sikandan.

2 Samuel 8:4

Naaǥew eni David is 1,000 he menge kerwahi zan, 7,000 he ebpemen-untud te kerwahi, wey 20,000 he menge sundaru. Mibpemiangan eni David haazà is menge kudà he eguyud te kerwahi gawas te 100 he insamè din su egemiten din.

1 Hadì 11:24

ne nehimu sikandin he pengulu te menge ribildi he midtiǥum din. Hein nezaag ni David is menge sundaru ni Hadadezer, midhendiyà si Rezon te Damascus duma te menge etew zin. Midsakup dan heini he lugar ne zutun dan med-ubpà.

1 Cronica 19:18

Piru nepeleǥuyan te menge Aramihanen is menge Israilihanen. Ne 7,000 he ebpemen-untud te kerwahi is nengepatey eni David wey 40,000 he menge sundaru he ebpemenhipanew zà. Nepatey zan daan si Shofac is peremandar te menge sundaru.

Salmo 18:38

Midezeetan ku sikandan ne nengepiley zan diyà te uvey te nehitindeǥan ku, ne kenè en sikandan ebpekeenew.

Salmo 46:11

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 68:2

Segseǥa nu sikandan iring te evel he idlayap te keramag. Dezeeti nu is menge lalung diyà te etuvangan nu, iringa nu te kendilà he egketunew te hapuy.

Zatù 4:2

Umbe, impesakup en maan sikandan te Nengazen ki Hadì Jabin he Canaanhen, he midhadì diyà te inged he Hazor. Is pengulu te menge sundaru ni Jabin iyan si Sisera he meǥinged diyà te Haroshet Hagoyim.

Zatù 4:22

Ne hein nekeuma si Barak is ebpen-ahà ki Sisera, midsinuǥung sikandin ni Jael ne migkeǥiyan din te, “Laus ka, su ibpeehè ku kenikew is etew he ebpen-ahaan nu.” Umbe miduma si Barak ki Jael ziyà te seled duen te tulda. Ne zutun neehè din si Sisera is nekehidhizeǥà he minatey en he midlembasan te palpal is titingkazan din.

Zatù 5:26

Ne migkuwa sikandin te mertilyu wey palpal te tulda ne mibpelpalan din is titingkazan ni Sisera.