2 Samuel 10:16 - Manobo Western Bukidnon OT

¹⁶ Midtevangan sikandan te zuma he menge Aramihanen he impetawag ni Hadadezer he ebpuun te diyà layun te Wahig he Eufrates. Ne midhendiyè dan te Helam he iyan mibpengulu kandan si Shobac he iyan peremandar te menge sundaru ni Hadadezer.

2 Samuel 10:16 ပူးပေါင်းရင်းမြစ်များ

2 Samuel 10:15

Hein neisip te menge Aramihanen he egkezaag sikandan te menge Israilihanen, ne miburunburun dan med-uman.

2 Samuel 10:17

Hein netuenan haazà ni David, midtiǥum din is langun he menge sundaru te Israel para te kebpekidtebek. Ne midrapas dan te Wahig he Jordan ne midhendiyè dan te Helam. Nekaandam en is menge Aramihanen para te kebpekidtebek ki David, ne zutun midtebek sikandan.

1 Hadì 11:23

Duen pa sevaha he etew he ketau te Megbevayà he kuntedaha zin si Solomon. Iyan sikandin si Rezon he anak ni Eliada. Mibpeleǥuyan din is egalen din he si Hadì Hadadezer he hadì te Zoba,

1 Cronica 18:3

Nekidtebek daan si David ki Hadì Hadadezer he hadì te Zoba he uvey te Hamat, su si Hadadezer, edsekupen din pezem is tanà he uvey te Wahig he Eufrates.

1 Cronica 18:5

Hein nemekeuma is menge tig-Aram he ziyà ebpuun te Damascus su edtavang ki Hadadezer, mibpenhimetayan eni David is 22,000 kandan.

1 Cronica 19:16

Hein naahà te menge Aramihanen he nezaag dan te menge Israilihanen, ne midsuǥù dan te ibpepenudtul te menge zuma zan he menge Aramihanen diyà te divaluy te wahig he Eufrates su ebpeuǥup dan. Nekeuma heini he grupu he iyan pengulu zan si Shofac he iyan peremandar te menge sundaru ni Hadadezer.