2 Samuel 1:23 - Manobo Western Bukidnon OT

²³ Utew mibmahal te menge Israilihanen si Saul wey si Jonatan su nesuatan dan sikandan. Wazè dan mekedsuwey taman te kemetayen dan. Diyà te tebek, henduen be te meǥaan pa sikandan te vanug wey mezesen dan pa te erimaung.

2 Samuel 1:23 ပူးပေါင်းရင်းမြစ်များ

2 Samuel 1:24

Sikiyu is menge vahi te Israel, rurun kew para ki Saul. Su tenged kandin nekevivisti kew te mahal he visti wey menge elahas he vulawan.

2 Samuel 2:18

Ne zutun, is tetelu he anak ni Zeruya he si Joab, Abishai, wey si Asahel nekezuma te tebek. Si Asahel utew meǥaan he ebpelelaǥuy he henduen te selazeng, ne midal-as din si Abner he wazà kedlilingey.

2 Samuel 23:20

Duen pa sevaha he mevurut he etew he egngezanan ki Benaya. Tig-Kabzeel sikandin, ne iyan amey zin si Jehoyada. Mibaal sikandin te wazè din iring he menge vaal, ragkes en is kedhimetayi zin te zezuwa he ventuǥan he sundaru te Moab. Duen timpu he zutun mibpendal-as din is erimaung minsan ebpenggiyew wey melandeg, ne mibpeneuǥan din duen te budsi ne midhimetayan din haazà is erimaung.

1 Cronica 12:8

Duen daan menge etew he ebpuun te tribu ni Gad he miduma ki David diyà te melig-en he elesà diyà te sibsivayan. Mevurut sikandan he menge sundaru ne iyan layun egemiten dan is kelasag wey vangkew. Iring sikandan kevurut te menge erimaung wey iring sikandan keǥaan te selazeng diyà te menge vuvungan:

Job 9:26

Uya, utew meǥaan he edlavey is untung ku; iring keǥaan te meǥaan he untuzà etawa vanug he edawi.

Erubasa 30:30

is erimaung, iyan utew mezesen te langun he langgam he wazà igkahandek,

Solomon 5:16

Meupiya he edhezekan is bivig din, ne utew sikandin mekempet. He menge vahi te Jerusalem, iyan sikandin minahal ku; iyan sikandin emiǥu ku.

Jeremias 4:13

Tengteng kew! Ebpekeume en is kuntada tew he iring te ǥapun. Is menge kerwahi zin, henduen be te eribpures, ne is menge kudè din, edhuna pa he elistu te menge mendereǥit. Mekehizuhizu kiw! Su egkezeetan kiw en.

Penhulùhulù 4:19

Meǥaan pa te menderaǥit is menge kuntada zey he edal-as kenami. Edel-asen key zan taman te menge vuvungan. Ne minsan diyè key te sibsivayan ne zutun daan sikandan is edtaǥad he ed-etaki kenami.

Deuteronomio 28:49

“Ketau te Nengazen he surunga kew te sevaha he nasyun he ziyà te utew meziyù, he kenè niw egkesavut is kineǥiyan dan. Iring dan te kulaǥu he edawi zutun te kedsurunga zan keniyu.

Zatù 14:18

Umbe, te wazè pa metapus is ikepitu he andew mid-entuk dan en sikan is peentukà. Ke sikandan te, “Wazè en edhuna pa he meemis te teneb, wey wazè en edhuna pa he mezesen te erimaung.” Ne midtavak si Samson te, “Emun wazè niw teǥela is esewa ku, ne wazè niw pezem geina metueni is entuk.”

1 Samuel 18:1

Nepasad is kebpelelaǥey ni David wey si Saul, ne neked-elukuy si David wey is anak ni Saul he si Jonatan. Utew zin mibmahal si David he iring te keugelingen din.

1 Samuel 20:2

Midtavak si Jonatan te, “Kenè ka egkepatey! Wazà minsan hengkey he ebeelan te amey ku he kenè din egkeǥiyen kedì minsan kenà impurtanti. Emun suat din he edhimetayan ke zin, egkeǥiyan e zin daan. Umbe kenà heeyan tutuu.”