2 Samuel 1:17 - Manobo Western Bukidnon OT

¹⁷ Migarey si David te penhulùhulù te kedlelawi zin ki Saul wey te anak din he si Jonatan,

2 Samuel 1:17 ပူးပေါင်းရင်းမြစ်များ

Genesis 50:11

Ne is menge tig-Canaan he meǥinged dutun, hein neehè dan is ebpemenlelendag dutun te gunasà diyà te Atad, ne migkaǥi zan te, “Utew neseeng is menge Ehiptohanen.” Ne tenged dutun haazà is inged he uvey te Wahig he Jordan ne migngezanan te Abel Mizraim, he ke và dà egkeǥiya, midlelendaǥan te menge Ehiptohanen.

2 Samuel 1:19

“Menge Israilihanen, nemematey en is dungganen he menge pengulu ziyà te menge vuvungan te Israel. Nemematey en daan is memevurut he sundaru niw!

2 Samuel 3:33

Migkanta si Hadì David kayi he penhulùhulù para ki Abner: “Maan is minatey si Abner he iring te sevaha he selaan?

2 Cronica 35:25

Mibaal si Jeremias te menge penhulùhulù he tedeman para ki Josia, ne taman en guntaan is kegkentaha kayi te menge perekanta. Heini he menge penhulùhulù ne layun egkentaha ziyà te Israel, ne ingkesurat diyà te menge penhulùhulù.

Salmo 35:14

epekeriǥuriǥu a is edlalew he iring te suled ku wey emiǥu ku is igkeseeng ku. Nekezuzungul a is egkeseeng su is kegkeseeng ku kandan iring daan te kegkeseeng te sevaha he etew te iney zin.

Ezekiel 32:16

“Iyan haazà penhulùhulù te menge meǥinged diyà te menge nasyun para te Ehipto wey te langun he menge meǥinged kayi. Iyan a, is Nengazen he MEGBEVAYÀ, is migkaǥi kayi.”