2 Hadì 5:9 - Manobo Western Bukidnon OT

⁹ Umbe, midhendiyà si Naaman duma is menge kudà wey menge kerwahi ne mid-ubpàubpà diyà te ǥemawan te valey ni Elisha.

2 Hadì 5:9 ပူးပေါင်းရင်းမြစ်များ

2 Hadì 3:12

Migkaǥi si Jehoshafat te, “Uya, tutuu iyan he ebpekepekidlalag is Nengazen pinaaǥi kandin.” Umbe midhendiyà te kandin haazà is hadì te Israel, Juda, wey Edom.

2 Hadì 5:10

Midsuǥù si Elisha te ibpekaǥi ziyà te ki Naaman he medhendiyà sikandin te Wahig he Jordan ne lùlui zin is lawa zin te kepipitu, ne egkeulian sikandin.

2 Hadì 5:8

Ne hein netuenan ni Elisha, he suluǥuen te Megbevayà, haazà he hitavù, mibpeuwitan din te lalag haazà is hadì he edhenduen te: “Maan is mibindas nu is kumbalè nu? Ipehengkayi nu te kedì heeyan is etew, ne egketuenan din he zuen ebpeneuven kayi te Israel.”

2 Hadì 6:32

Dutun he timpu, ebpimpinuu si Elisha ziyà te valey zin is ebpekidlalag te menge ebpemendumala te Israel. Midsuǥù haazà is hadì te etew he ibpehuna zin diyà te ki Elisha. Piru zutun te wazè pa mekeuma haazà is midsuǥù te hadì, migkeǥiyan ni Elisha haazà is ebpemendumala te, “Heeyan is hadì tew he ebpemenhimatey, midsuǥù sikandin te etew he ibpetamped te lieg ku. Ne emun ebpekeume en heeyan he etew ne lekevi niw is gemawan ne kenè niw ipeseled. Is hadì he egalen din, edtinundug kandin.”

Isaias 60:14

Is menge kevuwazan te menge midaagdaag kenikew, ed-uvey ziyà te kenikew is edunghuy. Edluhud diyà te uvey te menge paa nu is menge midsudì kenikew, ne egngezanan ke zan he ‘Inged te Nengazen,’ etawa ‘Zion he Inged te Waǥas he Megbevayà te Israel.’