2 Cronica 9:24 - Manobo Western Bukidnon OT

²⁴ Kada tuig, is kada sevaha he ebpenumbaley ziyà te kandin he ed-uwit te menge gasa: menge azen he vineelan puun te pelata wey vulawan, menge visti, menge ǥumaan, menge penaket, menge kudà, wey menge mula.

2 Cronica 9:24 ပူးပေါင်းရင်းမြစ်များ

1 Hadì 10:10

Ne mibeǥayan duen te rayna si Hadì Solomon te vulawan he lelima he libu he kilu, mezakel he menge penaket wey mahalen he menge vatu. Wazè en ebpekerepeng te kezekelà te penaket he imbeǥey zuen te rayna te Sheba ki Hadì Solomon.

1 Hadì 10:25

Kada tuig, is kada sevaha he ebpenumbaley ziyà te kandin ed-uwit te menge gasa: menge azen he vineelan puun te pelata wey vulawan, menge visti, menge ǥumaan, menge penaket, menge kudà, wey menge mula.

1 Hadì 9:14

Dutun te nehuna he timpu nekepeuwit si Hiram diyà te ki Solomon te menge 5,000 he kilu he vulawan.

2 Cronica 17:11

Is duma he menge Filistihanen ne mid-uwitan dan si Jehoshafat te menge gasa wey pelata he ibuhis dan. Ne zuen daan menge tig-Arabia he mid-uwit diyà te kandin te 7,700 he menge kerehidu wey 7,700 he menge kambing.

2 Cronica 9:23

Is langun he menge hadì kayi te kelibutan, ne egkesuat he meehè dan si Solomon wey zan mekezineg te ketau he imbeǥey kandin te Megbevayà.

2 Cronica 9:9

Ne mibeǥayan duen te rayna si Hadì Solomon te vulawan he lelima he libu he kilu, mezakel he menge penaket wey mahalen he menge vatu. Wazè en ebpekerepeng te kezekelà te penaket he imbeǥey zuen te rayna te Sheba ki Hadì Solomon.

Job 42:11

Ne zutun midhendiyà is langun he menge suled din wey is langun he menge emiǥu zin te valey zin ne migkaan dan duma kandin. Ne midlangan dan si Job tenged te langun he kemereǥenan he imbeǥey te Nengazen kandin. Ne is kada sevaha kandan, mibeǥey ziyà te kandin te selapì wey vulawan he sising.

Salmo 68:30

Dewaya nu heeyan is nasyun he iring te kumekaid he langgam diyà te meribpesen. Dewaya nu zaan is menge nasyun he iring te menge tudu he vaka duma te menge nati taman te edluhud sikandan ne idhalad dan diyà te kenikew is menge pelata zan. Ipedsusuwey nu is menge etew he igkelipey zan is kebpekidtebek.

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Zatù 3:15

Piru, hein mibuyù en maan te tavang is menge Israilihanen diyà te Nengazen, ne mibeǥayan din sikandan te sevaha he etew he ebpekelibri kandan. Iyan sikandin kes givang he si Ehud he anak ni Gera he ebpuun diyà te tribu ni Benjamin. Impehendiyà sikandin te menge Israilihanen te Moab su wey zin ikeveǥey is buhis te Israel ziyà te ki Hadì Eglon.

1 Samuel 10:27

Duen dutun menge etew he wazà menge pulus he ed-undaunda ki Saul. Ke sikandan te, “Ebmenmenuwen kayi he etew te kedluwas kenitew?” Wazè dan beǥayi si Saul te gasa. Piru wazè en megkaǥi si Saul.