2 Cronica 9:16 - Manobo Western Bukidnon OT

¹⁶ Mibpevaal zaan sikandin te 300 he zezeisey he menge kelasag he is kada sevaha ne mid-epizan te tetelu wey tengà he kilu he vulawan. Ne ziyè din heini isavuk is langun te vahin duen te turuǥan din he egngezanan te Ketelunan te Lebanon.

2 Cronica 9:16 ပူးပေါင်းရင်းမြစ်များ

1 Hadì 7:2

Sevaha zuen te menge vilding ni Solomon is migngezanan te Ketelunan te Lebanon. Ne 150 he ǥiek is keleyatan kayi, ne 75 he ǥiek is keluaǥan din, ne 45 he ǥiek is ketikang din. Heepat he linya is menge tukud kayi he menge kayu te sidru; 15 is kada linya. Ne kayi ipikit is 45 he kayu he menge pepesanan he zutun ipikit is kisami he kayu he sidru.

1 Hadì 14:26

Mibpenguwa zin is menge ketiǥeyunan diyà te valey te Nengazen wey is diyà te turuǥan. Migkuwa zin is langun, ragkes en is langun he menge kelasag he vulawan he mibpeveelan ni Solomon.

2 Cronica 9:15

Mibpevaal si Hadì Solomon te 200 he zezekelà he menge kelasag, ne is kada sevaha he kelasag ne mid-epizan te pitu he kilu he vulawan.

2 Cronica 9:17

Mibpevaal zaan haazà is hadì te zekelà he pinuuwà te kedhadì. Mid-epizan haazà te lunsey he vulawan he ungal te ilipanti is indayandayan duen.

2 Cronica 12:9

Hein midsurung ni Hadì Shishak he hadì te Ehipto is Jerusalem, mibpenguwa zin is menge ketiǥeyunan diyà te valey te Nengazen wey is diyà te turuǥan. Migkuwa zin is langun, ragkes en is menge kelasag he vulawan he mibpeveelan ni Solomon.