2 Cronica 9:10 - Manobo Western Bukidnon OT

¹⁰ Duen daan menge uwiten te menge sakup ni Hadì Solomon wey menge sakup ni Hiram he menge vulawan, menge kayu he almug, wey menge mahalen he menge vatu he ebpuun te Ofir.

2 Cronica 9:10 ပူးပေါင်းရင်းမြစ်များ

1 Hadì 10:11

Is menge varku ni Hiram migkergahan daan te mid-uwit diyà te ki Hadì Solomon he menge vulawan, mezakel he kayu he almug, wey mahalen he menge vatu, he pudu ebpuun diyà te Ofir.

1 Hadì 10:22

Duen daan menge varku ni Solomon he para te petiǥayun he ebiyahi zuma te menge varku ni Hiram. Heini he menge varku kesevaha ed-ulì kada tetelu he tuig, he ed-uwit te menge vulawan, menge pelata, menge ungal te ilipanti, wey zezekelà wey zezeisey he kelasi te menge uval.

2 Cronica 2:8

Peuwiti a zaan te kayu he sidru, sipris, wey algum he ebpuun te Lebanon, su netuenan ku he memetau is menge sakup nu he ebpemenamped te kayu. Ed-uǥupan te menge sakup ku is menge sakup nu,

2 Cronica 8:18

Mibpeuwitan sikandin ni Hiram te menge varku he iyan edumala zuen is menge upisyal zin he memetau ziyà te zaǥat. Heini sikandan mid-untud te varku zuma te menge sakup ni Solomon pehendiyà te Ofir. Ne hein midlikù sikandan ne nekeuwit dan te menge 16 he tunilada he vulawan, ne mid-uwit dan haazà diyà te ki Hadì Solomon.

2 Cronica 9:11

Impenheǥezan ni Hadì Solomon haazà is menge kayu he almug te turuǥan wey te valey te Nengazen, ne is duma, ne mibeelan he menge alpa wey menge lira para te menge musikiru. Wazà iring kayi he almug diyà dengan te Juda.

2 Cronica 9:9

Ne mibeǥayan duen te rayna si Hadì Solomon te vulawan he lelima he libu he kilu, mezakel he menge penaket wey mahalen he menge vatu. Wazè en ebpekerepeng te kezekelà te penaket he imbeǥey zuen te rayna te Sheba ki Hadì Solomon.

Erubasa 31:14

Igkepetug-iring sikandin te varku te menge nigusyanti; ne ed-uwit sikandin te keuyaǥan minsan te meziyù is ebpuunan din he menge inged.