2 Cronica 7:5 - Manobo Western Bukidnon OT

⁵ Nemuhat dan te 22,000 he menge vaka wey 120,000 he menge kerehidu wey menge kambing. Te heini he paaǥi impehinungud duen te hadì wey langun he menge keet-etawan haazà is baley te Megbevayà.

2 Cronica 7:5 ပူးပေါင်းရင်းမြစ်များ

1 Cronica 29:21

Sunud he andew ne mibpemuhat dan is Nengazen te menge pemuhat he edtutungen: 1,000 he menge tudu he vaka, 1,000 he memeǥurang en he menge meemahan he kerehidu, wey 1,000 he meemahan he menge nati pa. Nemuhat daan sikandan te menge pemuhat he inumen wey mezakel pa is impemuhat dan para te tivuuk he menge Israilihanen.

2 Cronica 1:6

Ne nemenahik si Solomon diyà te pemuhatà he brunsi ziyà te etuvangan te Nengazen diyà te Tulda he Edtelevukaayan, ne mibpemuhat sikandin te 1,000 he menge pemuhat he edtutungen.

2 Cronica 15:11

Ne te haazà he timpu nemuhat dan diyà te Nengazen te menge uyaǥen he ebpuun te menge naaǥew zan te kebpekidtebek–700 he vaka wey 7,000 he menge kerehidu wey kambing.

2 Cronica 2:4

Ebpehitendeg a te valey te Nengazen para te zengeg te Nengazen he Megbevayè ku. Egkehimu heini he segradu he lugar he zutun edtutunga is mehemut he veyewà wey ebpemuhatan layun te segradu he supas. Kayi zaan ebpemuhat te pemuhat he edtutungen kada meselem wey mezukilem, wey te menge Andew te Kedhimeley, te Pista te Kebpuun te Hayag wey te zuma he menge pista te kebeǥayi te zengeg te Nengazen he Megbevayè dey. Heini he sulunuzen kinahanglan he edtumanen te menge Israilihanen taman te taman.”

2 Cronica 30:24

Mibeǥayan ni Hadì Hezekia is menge etew te 1,000 he tudu he menge vaka wey 7,000 he menge kerehidu wey menge kambing. Mibeǥey zaan is menge upisyal te 1,000 he tudu he menge vaka wey 10,000 he menge kerehidu wey menge kambing. Mahabet he menge memumuhat is nenlumpiyu te keugelingen dan.

2 Cronica 5:6

Nemuhat si Hadì Solomon wey is tivuuk he keet-etawan te Israel ziyà te etuvangan duen te Kavan te Kebpekid-uyun te Nengazen. Utew mahabet is menge kerehidu wey menge vaka he impemuhat dan; kenà heini egkevilang.

2 Cronica 7:4

Ne nemuhat diyà te Nengazen si Hadì Solomon wey is langun he menge Israilihanen.

2 Cronica 7:6

Ne mibpelastar is menge memumuhat duen te valey te Nengazen, ne iring din ded daan is menge Levihanen he nemekesinaru kandan ne migkanta he edhenduen te, “Wazà pidtemanan te gaǥew zin.” Eduyuǥan dan haazà is kanta te menge gelemiten he mibpeveelan ni Hadì David te kedalig te Megbevayà. Dutun te etuvangan te menge Levihanen, is menge memumuhat mibpezaǥing daan te menge trumpita zutun te kemulu en ebpenhitindeg is langun he menge Israilihanen.

Ezekiel 45:17

Ketengdanan te pengulu is kebeǥey te menge pemuhat he edtutungen, pemuhat he para gasa, pemuhat he inumen, pemuhat he para idlumpiyu, wey pemuhat he para te meupiya he kedepità dutun te timpu te menge pista iring te Pista te Kebpuun te Hayag, menge Andew te Kedhimeley, wey zuma pa he menge pista he edsilibrahan te menge Israilihanen. Ibpemuhat heini he menge pemuhat su wey mevelukasi is menge Israilihanen tenged te menge salè dan.”

Micas 6:7

Ebpekepenunuat e ve te Nengazen emun ebpemuhat a ziyà te kandin te linibu he menge kerehidu wey utew zekelà he lana? Kinahanglan be he ibpemuhat ku ziyà te kandin is kinekekayan he anak ku he vayad te menge salè ku?”

Numero 7:10

Is menge pengulu, mid-uwit daan te kandan he menge halad he para te kebpehinunguza zuen te pemuhatà emun ibpehinungud en heini.