2 Cronica 7:2 - Manobo Western Bukidnon OT

² Kenà ebpemekeseled is menge memumuhat dutun te valey te Nengazen su midsirang sikandan te mekeǥeǥehem he kebpekiduma te Nengazen he nekepenù dutun te valey te Nengazen.

2 Cronica 7:2 ပူးပေါင်းရင်းမြစ်များ

1 Hadì 8:10

Ne hein migawas sikan is menge memumuhat duen te Segradu he Lugar, ne zuen gapun he nekepenù duen te valey te Nengazen.

2 Cronica 5:13

Is menge perekanta, ne midalig dan wey mibpeselamat dan te Nengazen he eduyuǥan te trumpita, simbal, wey zuma pa he menge gelemiten. Iyan heini kanta zan: “Meupiya is Nengazen; wazà pidtemanan te gaǥew zin.” Ne zutun nepenù te ǥapun haazà is baley te Nengazen.

2 Cronica 5:14

Kenè en egkeveelan te menge memumuhat is buluhaten dan dutun te valey te Nengazen tenged te ǥapun, su is gemhanan he kebpekiduma te Nengazen nekepenù dutun te valey te Nengazen.

Salmo 26:8

Nengazen, mahal ku is baley he ubpeey nu, he iyan kes lugar he zutun egkaahà is kegkemekeǥeǥehem nu.

Exodus 24:17

Ne zutun te kedlaus kedtekezeg ni Moises duen te vuntud, nekeseled sikandin duen te ǥapun. Ne zutun sikandin te vuntud seled te 40 he andew wey 40 he kezukileman. Ne is kezekelan mulà te menge Israilihanen, ne iyan kandan he ked-ahaa te mekeǥeǥehem he kebpekiduma te Nengazen duen te puntur te vuntud is iring te edriyubriyub he hapuy.

Isaias 6:5

Ne migkaǥi a te, “Mekehizuhizu a! Su kenà duwazuwa he edezeetan a, su mezaat is ebpengeǥiyen ku wey is menge etew he emurè ku, mezaat daan is kandan he ebpengeǥiyen. Ne ǥuntaan neehè ku is Hadì he iyan is Nengazen he Mekeǥeǥehem.”