2 Cronica 7:1 - Manobo Western Bukidnon OT

¹ Hein nekepasad he ebpengemuyù si Solomon, ne zuen hapuy he ebpuun diyà te langit ne nengetutung haazà is pemuhat he edtutungen wey zuma pa he menge pemuhat, ne is mekeǥeǥehem he kebpekiduma te Nengazen ne nekepenù dutun te valey te Nengazen.

2 Cronica 7:1 ပူးပေါင်းရင်းမြစ်များ

Genesis 15:17

Ne midsanlep en is andew ne mibmerusirem en, ne zuen migkivelat he naahà ni Abram he iring te kuzen he ed-evel wey egkeregreg he ziyà mebayà te pid-elangan dutun te mibaas he imped-aatbang.

1 Hadì 18:24

Ne pengemuyù kew ziyà te keniyu he ed-ezapen he iyan medretem te hapuy, ne ebpengemuyù a zaan diyà te Nengazen. Ne sikan is edretem te hapuy ziyà te tavun, ne iyan tutuu he Megbevayà.” Ne nekeuyun dutun is menge etew.

1 Hadì 18:38

Ne segugunà nekeuma is hapuy he ebpuun diyà te Nengazen, ne midtutung dutun te hapuy sikan is pemuhat, sikan is tavun, sikan is menge vatu, wey is tanà, wey mibpemezahan din is wahig duen te kanal.

1 Hadì 9:1

Nepasad ni Solomon is kebangun duen te valey te Nengazen wey te turuǥan din, ragkes is duma he mibpelenuwan din te ebaal.

1 Cronica 21:26

Ne mibaal sikandin dutun te pemuhatà para te Nengazen ne nemuhat sikandin te menge pemuhat he edtutungen wey menge pemuhat he para te meupiya he kedepità. Ne mid-ampù sikandin. Ne midtavak sikandin te Nengazen pinaaǥi te kebpevulus te hapuy he ebpuun te langit te kedtutung dutun te menge pemuhat dutun te pemuhatà.

Salmo 26:8

Nengazen, mahal ku is baley he ubpeey nu, he iyan kes lugar he zutun egkaahà is kegkemekeǥeǥehem nu.

Exodus 19:18

Ne neselikuvungan te evel haazà is Buntud he Sinai su mibulus is Nengazen dutun pinaaǥi te hapuy. Midlipuwak is evel zutun he iring te evel te utew zekelà he rapug, ne nehuyung haazà is tivuuk he vuntud,

Exodus 29:43

Dutun ku edhingumaa is menge kevuwazan ni Israel, ne pinaaǥi te mekeǥeǥehem he kebpekiduma ku egkehimu he segradu haazà he lugar.

Isaias 65:24

Dutun te kenè dan pa ebpekevuyù etawa zutun mismu te kebuyù dan, ne edtevaken ku en sikandan.

Ezekiel 43:5

Impeenew a te Mulin-ulin ne mid-uwit e zin diyà te seled he lama. Ne zutun neehè ku he nepenù haazà is baley te Nengazen te mekeǥeǥehem he kebpekiduma zin.

Ezekiel 44:4

Ne miduma a zuen te etew ziyà te egkesinaruwan duen te valey te Nengazen. Ne ziyè key mebayà te veyeey he zapit te zizaya. Ne zutun neehè ku is mekeǥeǥehem he kebpekiduma te Nengazen he nekeeneb dutun te valey zin, ne segugunà a midlangkeb.

Daniel 9:20

Mibpedayun a is ebpengemuyù wey edtug-an te menge salè ku wey menge salà te menge zuma ku he menge Israilihanen. Midhengyuan ku is Nengazen he Megbevayè ku para te segradu he vuvungan din.

Malakias 3:4

Ne zutun, is menge pemuhat te menge etew ziyà te Juda wey Jerusalem, ne ebpekepenunuat en human te Nengazen, iring duen te nehuna he menge andew wey menge tuig.

Zatù 6:21

Ne insenggir zuen te velinsuǥuen te Nengazen is tuked he egewezan din duen te keenen. Ne segugunà midlepew is regreg puun duen te vatu, ne migkaan dutun te hapuy sikan is usa wey supas. Ne nahanew sikan is belinsuǥuen.