2 Cronica 6:4 - Manobo Western Bukidnon OT

⁴ Migkaǥi sikandin, “Edeliǥen is Nengazen he Megbevayà te Israel. Midtuman din is insaad din te amey ku he si David. Migkaǥi zin dengan,

2 Cronica 6:4 ပူးပေါင်းရင်းမြစ်များ

1 Hadì 8:15

Migkaǥi sikandin, “Edeliǥen is Nengazen he Megbevayà te Israel. Midtuman din is insaad din te amey ku he si David. Migkaǥi zin dengan te,

1 Cronica 17:12

Iyan sikandin ebangun te valey para kedì, wey edsigureduwen ku he is menge kevuwazan din ebpekahadì taman te taman.

1 Cronica 29:10

Midalig ni David is Nengazen dutun te etuvangan te tivuuk he keet-etawan. Migkaǥi sikandin te, “He Nengazen, he Megbevayà te kepuun dey he si Jacob, ereg ka he edeliǥen te wazà pidtemanan.

1 Cronica 29:20

Ne migkeǥiyan ni David is tivuuk he keet-etawan te, “Deliǥa niw is Nengazen he Megbevayè niw.” Ne zutun midalig dan is Nengazen, he Megbevayà te menge kepuun dan. Midluhud dan wey midungul he tuus te kebeǥayi zan te zengeg te Nengazen wey te hadì.

2 Cronica 6:15

Midtuman nu is saad nu te suluǥuen nu he si David he amey ku. Iyan ka kayi midsaad, ne midtuman nu heini guntaan he andew.

2 Cronica 6:17

Umbe ǥuntaan, Nengazen he Megbevayà te Israel, tumana nu is menge saad nu te suluǥuen nu he si David he amey ku.

2 Cronica 6:3

Ne mid-etuvang ni Hadì Solomon is tivuuk he keet-etawan te Israel he ebpemenhitindeg dutun, ne mibpenubtuvazan din sikandan.

2 Cronica 6:5

‘Puun dutun te kebpeǥewasa ku te menge etew ku he Israilihanen diyà te Ehipto, ne wazè ku pilia is inged te minsan hentei he tribu te Israel para edtukuzan te valey he para te kebeǥayi kedì te zengeg, wey wazà a mebpilì te hadì he edumala te menge etew ku he Israilihanen.

Nehemias 8:6

Midalig ni Ezra is Nengazen, he mekeǥeǥehem he Megbevayà. Ne midtavak is menge etew te, “Amen! Amen!” dutun te ibayew zan is belad dan. Ne midluhud sikandan is ed-azap te Nengazen.

Salmo 41:13

Edeliǥen is Nengazen he Megbevayà te Israel te wazà pidtemanan. Amen! Amen!

Salmo 68:4

Kentahi niw is Megbevayà, kentahi niw sikandin te menge kedalig. Deliǥa niw sikandin is ed-untud te ǥapun. Is ngazan din iyan is Nengazen; mebmelipayen kew ziyà te etuvangan din.