2 Cronica 4:8 - Manobo Western Bukidnon OT

⁸ Mibpevaal zaan sikandin te sepulù he lemisahan ne ziyà heini isavuk te valey te Nengazen, lelima is diyà te divavà ne lelima is diyà te zizaya. Mibpevaal zaan sikandin te 100 he yehung he vulawan he egemiten te kebpirik.

2 Cronica 4:8 ပူးပေါင်းရင်းမြစ်များ

1 Hadì 7:48

Mibpevaal zaan si Solomon kayi he menge gelemiten he para zuen te valey te Nengazen: bulawan he pemuhatà; bulawan he lemisahan he selevukà te supas he ibpemuhat diyà te etuvangan te Megbevayà;

2 Cronica 4:19

Mibpevaal zaan si Solomon kayi he menge gelemiten he para zuen te valey te Megbevayà: bulawan he pemuhatà; bulawan he menge lemisahan he selevukà te supas he ibpemuhat diyà te etuvangan te Megbevayà;

Isaias 25:6

Kayi te Buvungan he Zion, ebpengandam is Nengazen he Mekeǥeǥehem te sevaha he keemuran te para te langun he menge etew. Ne zutun metaam he menge keenen wey menge inumen is id-andam din.

Ezekiel 44:16

Iyan dà sikandan ebpekeseled diyà te valey ku wey ebpekeuvey ziyà te pemuhatà he para kediey te kebpenilbi kedì. Iyan dà sikandan ebpekevaal te ebpeveelan ku ziyà te valey ku.

Zacarias 14:20

Dutun he andew te ked-ezapa te Nengazen te menge etew he ebpemuun diyà te menge nasyun, id-ukir ziyà te menge seriyew te menge kudà is menge lalag he edhenduen te, “Inteǥeley para te Nengazen.” Is menge kuzen diyà te valey te Nengazen egkehimu he iring is kegkesegradu zan te kegkesegradu zuen te yehung he ziyà te pemuhatà.

Malakias 1:12

Piru midsumpalit a mulà keniyu pinaaǥi te kegkaǥi he meremerik is pemuhatà he para kediey, ne wazà pulus te menge ibpemuhat kayi.