2 Cronica 32:1 - Manobo Western Bukidnon OT

¹ Hein nepasad ni Hezekia is buluhaten din duma is kebmetinumanen din, midsurung ni Hadì Senakerib he hadì te Asiria is Juda. Duma sikandin te menge sundaru zin ne midliǥuyan dan is binerengbeng he menge inged, su neisip din he egkezaag din heini para te keugelingen din.

2 Cronica 32:1 ပူးပေါင်းရင်းမြစ်များ

2 Hadì 15:19

Dutun he timpu, midhendiyà si Hadì Tiglat Piliser he hadì te Asiria te Israel su edsurungen din heini. Mibeǥayan ni Menahem si Tiglat Piliser te 35,000 he kilu he pelata su para tevangi zin si Menahem te kebpeiseǥa te kelig-en te kedhadì din.

2 Hadì 17:6

Ne hein ikesiyam he tuig te kedhadì ni Hoshea, mid-aǥew en duen te hadì diyà te Asiria is Samaria, ne miduma zin is menge tig-Israel ziyà te Asiria su mibihag din sikandan. Diyè din sikandan ibpeubpà te inged he Hala, diyà te menge lugar he uvey te Wahig he Habor he ziyà te Gozan, wey ziyà te menge inged te menge Midianhen.

2 Hadì 18:11

Miduma te hadì diyà te Asiria is menge tig-Israel ziyà te Asiria su mibihag din, ne ziyè dan ipeubpà te inged he Hala, diyà te menge lugar he uvey te Wahig he Habor he ziyà te Gozan, wey ziyà te zezekelà he menge inged te menge Midianhen.

2 Hadì 19:19

Umbe ǥuntaan, Nengazen he Megbevayè dey, libriya key puun te ǥehem te menge tig-Asiria, su para metueni te langun he ginhedian kayi te kelibutan he iyan ke zà Nengazen he Megbevayà.”

2 Cronica 32:2

Ne hein netuenan ni Hezekia he ragkes en is Jerusalem te edsurungen ni Senakerib.

2 Cronica 35:20

Hein nepasad heini is menge mibeelan ni Josia para te valey te Nengazen, mibpenguluwan ni Hadì Neco he hadì te Ehipto is menge sundaru zin te kebpekidtebek diyà te Carkemish, he ziyà te Wahig he Eufrates. Midhendutun si Josia wey is menge sundaru zin su edtebeken dan si Neco.

Isaias 10:32

Guntaan he andew ebpekeuma is menge tig-Asiria ziyà te Nob. Ne ed-uyew sikandan su edsurung dan diyà te Jerusalem, kes Buvungan he Zion.

Isaias 36:1

Hein ike-14 he tuig te kedhadì ni Hezekia ziyà te Juda, midsurung ni Hadì Senakerib he hadì te Asiria is langun he vinerengbeng he menge inged diyà te Juda, ne naaǥew zin heini.

Isaias 37:37

Tenged kayi mid-ulì si Senakerib diyà te Nineve ne zutun med-ubpàubpà.

Hoseas 11:5

Ne ǥeina te kenè dan egkesuat he edlikù kayi te kedì, ne siguradu he ziyà sikandan ebpekelikù te Ehipto, ne tig-Asiria is edumala kandan.

Micas 2:13

Ebpuwasan ku is pultahan te inged he zutun kew zumaha is mibihag, ne ebpenguluwan ku sikiyu te kegawas puun dutun. Iyan a kes Nengazen he hadì niw is ebpengulu keniyu.”