2 Cronica 28:8 - Manobo Western Bukidnon OT

⁸ Mibihag te menge tig-Israel is menge kezuzumahi zan ded he menge tig-Juda he 200,000 he menge vahi wey menge vatà. Mibpenguwa zan is menge ketiǥeyunan te menge tig-Juda ne mid-uwit dan diyà te Samaria.

2 Cronica 28:8 ပူးပေါင်းရင်းမြစ်များ

2 Hadì 6:22

Midtavak si Elisha, “Kenè nu sikandan penhimetayi. Su minsan pa is nengevihag pinaaǥi te tebek ne wazè tew penhimetayi. Beǥayi nu sikandan te keenen wey wahig su wey zan mekekaan wey mekeinum, ne kebpekepasad dan ne ipelikù nu sikandan diyà te hadì dan.”

2 Cronica 11:4

te siak, is Nengazen, migkaǥi a te: ‘Kenè kew mebpekidtebek te menge kezuzumahi niw. Ulì kew, su kedì heini he kebayà is langun.’ ” Mibpezuma zan te Nengazen ne wazè dan surunga si Jeroboam.

2 Cronica 28:11

Pemineg kew kedì! Utew nepauk is Nengazen keniyu. Umbe, ipeulì niw heini is menge kezuzumahi niw he mibihag niw.”

2 Cronica 28:7

Si Zicri is sevaha zuen te utew memevurut he menge sundaru te Israel, midhimetayan din si Maasea he anak ni Hadì Ahaz, si Azrikam he sineriǥan diyà te turuǥan, wey si Elkana he ikezuwa te hadì.

Isaias 9:21

Ebpetebekà is tribu he Manase wey Efraim, ne heini is dezuwa ne edsurung diyà te Juda. Piru kenè pa egkeengked is pauk te Nengazen. Andam pa ǥihapun sikandin he edsilut.

Deuteronomio 28:25

“Baal te Nengazen is kegkezeeǥa keniyu te menge kuntada niw. Edrapungrapung kew is edlusud kandan, piru ebpekedsusuwey kew is ebpemelaǥuy kandan. Ebpendemis keniyu is langun he ginhedian kayi te kelibutan.

Deuteronomio 28:41

Ebpenganak kew piru kenà haazà edtinir ziyà te keniyu su ebihaǥen sikandan.