2 Cronica 27:7 - Manobo Western Bukidnon OT

⁷ Is duma pa he ǥuǥud mehitenged te kedhadì ni Jotam, ragkes is langun he kaaǥi zin te kebpekidtebek wey menge neveelan din, ne ingkesurat diyà te Libru he Midsuratan te menge Keguǥuza te menge Hadì te Israel wey Juda.

2 Cronica 27:7 ပူးပေါင်းရင်းမြစ်များ

2 Hadì 15:36

Is duma pa he ǥuǥud mehitenged te kedhadì ni Jotam, wey is menge mibeelan din, ne ingkesurat diyà te Libru he Midsuratan te menge Keguǥuza te menge Hadì te Juda.

2 Cronica 20:34

Is duma pa he ǥuǥud mehitenged te kedhadì ni Jehoshafat, puun pa te puunà taman te ketepusan, miguǥud ni Jehu he anak ni Hanani, diyà te insurat din he neragkes diyà te ingkesurat diyà te Libru he Midsuratan te Kaaǥi te menge Hadì te Juda.

2 Cronica 25:26

Is duma pa he ǥuǥud mehitenged te kedhadì ni Amazia, puun pa te puunà taman te ketepusan, ne ingkesurat diyà te Libru he Midsuratan te menge Keguǥuza te menge Hadì te Juda wey Israel.

2 Cronica 27:8

Mibpenuiǥen si Jotam te 25 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te 16 he tuig.