2 Cronica 26:9 - Manobo Western Bukidnon OT

⁹ Midlig-enan pa utew ni Uzia is Jerusalem pinaaǥi te kedtukuza te menge turi ziyà te Pultahan diyà te Suyuk, kes Pultahan he Ebpekesinaru ziyà te Suǥud-suǥud, wey nepekùan duen te verengbeng.

2 Cronica 26:9 ပူးပေါင်းရင်းမြစ်များ

2 Hadì 14:13

Nezekepan ni Hadì Jehoash si Hadì Amazia diyà te Bet Shemesh. Ne midhendiyà si Jehoash te Jerusalem ne migevè din is menge verengbeng kayi puun diyà te Pultahan te Efraim pehendiyà te Pultahan diyà te Suyuk, he 600 he ǥiek is keluǥayad din.

2 Cronica 25:23

Nezekepan ni Hadì Jehoash si Hadì Amazia diyà te Bet Shemesh, ne miduma zin sikandin diyà te Jerusalem. Ne zutun mibengkag ni Jehoash is menge verengbeng te Jerusalem puun te Pultahan te Efraim pehendiyà te Pultahan diyà te Suyuk, he 600 he ǥiek is keluǥayad din.

Nehemias 2:13

Migawas a zuen te Pultahan he Ebpekesinaru ziyà te Suǥud-suǥud ne midhendiyà a te Teheb he Dragun, ne ziyè e en te Pultahan te Pehendiyà te Timbaǥà te Besura. Mibpurungan ku susiya is nevengkag he menge verengbeng te Jerusalem wey is neepur he menge pultahan kayi.

Nehemias 2:15

Umbe, ziyà a mebpevayà te zal-ug te Kidron, ne zutun he kezukileman edtulungan ku en edsusiya is menge verengbeng. Ne hein nepasad ku haazà, midliku a ne ziyè e zed mebayà te Pultahan he Ebpekesinaru ziyà te Suǥud-suǥud.

Nehemias 3:13

Is mibangun te Pultahan he Ebpekesinaru ziyà te Suǥud-suǥud iyan si Hanun wey is menge tig-Zanoa. Intaud dan is menge lekeb kayi, ne mibeelan dan te menge trangka. Mibangun dan daan is 1,500 he ǥiek he verengbeng he taman te Pultahan te Pehendiyà te Timbaǥà te Besura.

Nehemias 3:24

Is sunud iyan si Binui he anak ni Henadad. Mibangun din is bahin te verengbeng puun te valey ni Azaria taman te suyuk te verengbeng. Ikezuwe en heini he vahin te verengbeng he mibangun dan.

Nehemias 3:32

Is mibangun te vahin te verengbeng puun dutun he ruǥu taman te Pultahan te menge Kerehidu iyan is menge platiru wey menge nigusyanti.

Jeremias 31:38

Mibpedayun megkaǥi is Nengazen te, “Egkeuma is timpu he ed-umanan ebenguna is Jerusalem puun te Turi ni Hananel pehendiyà te Pultahan diyà te Suyuk.

Zacarias 14:10

Egkehimu he suǥud is tivuuk he tanà puun te Geba ziyà te zizaya pehendiyà te Rimon diyà te zivavà te Jerusalem. Piru ebmetikang is Jerusalem diyà te nepelestaran din, ne ed-ubpaan heini puun te pultahan ni Benjamin pehendiyà te nepelestaran te Kezaan he Pultahan, ne pehendiyè en te Pultahan diyà te Suyuk; wey puun te Turi ni Hananel pehendiyà te keresà te paras te hadì. Kenè en ed-umanen edezeeti is Jerusalem, ne is menge meǥinged kayi ebpengungubpaan en he wazà ebpekezezaat kandan.