2 Cronica 26:1 - Manobo Western Bukidnon OT

¹ Is in-ilis te keet-etawan te Juda ki Amazia te kedhadì ne iyan is anak din he si Uzia he ebpenuiǥen te 16 he tuig.

2 Cronica 26:1 ပူးပေါင်းရင်းမြစ်များ

2 Hadì 14:1

Nehimu he hadì diyà te Juda si Amazia he anak ni Joash hein ikezuwa he tuig te kedhadì ni Jehoash diyà te Israel, he anak ni Jehoahaz.

2 Hadì 14:21

Is midhimu te menge etew ziyà te Juda he ilis ki Amazia he hadì, iyan is anak din he si Azaria he 16 he tuig is keǥurang din.

1 Cronica 3:12

Amazia, Azaria, Jotam,

2 Cronica 22:1

Si Ahazia is kineheziyan he anak ni Jehoram ne iyan midhimu te menge etew ziyà te Jerusalem he hadì dan. Su is duma he menge anak ni Jehoram ne mibpenhimetayan te menge Arabo he nemenurung diyà te Juda. Umbe iyan nehimu he hadì diyà te Juda si Ahazia he anak ni Hadì Jehoram.

2 Cronica 25:28

Is lawa zin ingkarga te kudà ne inlikù diyà te Jerusalem ne inleveng diyà te midlevengan te menge kepuun din diyà te Inged ni David.

2 Cronica 26:2

Iyan sikandin nekehawì te Elat ne mid-umanan din tukuza hein minatey en is amey zin he si Amazia.

2 Cronica 33:25

Piru pudu midhimetayi te menge etew ziyà te Juda sikan is midhimatey ki Hadì Amon. Ne iyan in-ilis dan he hadì is anak ni Amon he si Josia.

Isaias 1:1

Heini he libru, ne mehitenged te impahayag te Megbevayà diyà te ki Isaias he anak ni Amoz. Ne heini, mehiten ged te Jerusalem wey Juda hein kedhadì diyà te Juda ni Uzia, ne nesunuzan ki Jotam, ki Ahaz, wey ki Hezekia.

Hoseas 1:1

Heini he menge lalag impahayag te Nengazen diyà te ki Hoseas he anak ni Beeri dutun te timpu te kedhadì ni Uzia ziyà te Juda, pehendiyà te ki Jotam, ki Ahaz, wey ki Hezekia, ne timpu zaan haazà te kedhadì ni Jeroboam diyà te Israel he anak ni Joash.

Amos 1:1

Iyan heini menge lalag ni Amos he tig-Tekoa he perevantey te menge kerehidu. Heini he menge lalag, ne mehitenged te Israel. Impezayag heini te Megbevayà diyà te kandin hein dezuwa pa he tuig human egkehitavù is linug, hein timpu he si Uzia iyan hadì diyà te Juda ne si Jeroboam he anak ni Joash iyan hadì diyà te Israel.