2 Cronica 24:7 - Manobo Western Bukidnon OT

⁷ Dengan, is menge anak te vahi he mekesesalà he si Atalia, ne midseled dan dutun te valey te Megbevayà ne mibpenguwa zan te menge segradu he menge gelemiten para egemiten dan te ked-ezapa zan ki Baal.

2 Cronica 24:7 ပူးပေါင်းရင်းမြစ်များ

2 Hadì 11:1

Hein netuenan ni Atalia he minatey en is anak din he si Hadì Ahazia he hadì te Juda, midisisyun sikandin he ebpenhimetayan din is langun he sakup te pemilya te hadì.

2 Hadì 12:4

Migkeǥiyan ni Joash is menge memumuhat te, “Tiǥuma niw is langun he selapì he mid-uwit diyà te valey te Nengazen he inhalad: is selapì he nekulikta tenged te sinsus, is selapì he vayad tenged te penaad, wey is selapì he pemuhat he kineugelingen he suat is kebpemuhata zuen.

2 Cronica 21:17

Ne midsurung dan is Juda, ne mibpenguwa zan is menge ketiǥeyunan diyà te turuǥan te hadì, ragkes is menge esawa zin wey menge anak din. Iyan dà wazà mekuwa is kineheziyan he anak din he si Ahazia.

2 Cronica 22:3

Iyan daan midsunud ni Ahazia is mid-ulaula te pemilya ni Ahab, su mid-iniyat sikandin te iney zin te kebaal te mezaat.

2 Cronica 24:4

Ne hein neiwas haazà ne midisisyun si Joash he ebpepurungan din is baley te Nengazen.

Ester 7:6

Ne midtavak si Ester te, “Iyan en heini is lalung he Haman; iyan sikandin utew zey kuntada.” Ne neheratan utew si Haman dutun te etuvangan te hadì wey rayna.

Erubasa 10:7

Is metazeng he etew, egkehimu sikandin he tuvad te zuma ne layun sikandin egketenuzi, piru is lalung he etew egkelipatan en.

Daniel 5:23

mid-isip nu he lavew ka te Nengazen diyà te langit. Impekuwa nu is menge inumà he puun diyà te valey te Megbevayà ne mid-inuman nu heini zuma te menge meǥeliyug nu he memetikang is ked-etew, menge esawa nu he lavew, wey is menge esawa nu he kenè lavew. Ne liyu keniyan, mid-azap nu is menge ledawan he ed-ezapen he pelata, bulawan, brunsi, putew, kayu, wey vatu–menge ed-ezapen he kenà ebpekaahà, kenà ebpekezineg, wey kenà ebpekesavut. Piru wazè nu mulà deliǥa is Megbevayà he iyan migawed te untung nu wey iyan ebayàbayà ke hengkey is egketemanan nu.

Hoseas 2:10

Ne ǥuntaan edlevasan ku sikandin diyà te etuvangan te menge kumpadi zin, su wazà ebpekelibri kandin puun te gehem ku.

Hoseas 2:13

Edsilutan ku sikandin su zuen menge timpu he midtutung sikandin te veyewà diyà te ledawan ni Baal. Inseluub din is menge elahas din ne midal-as din is menge kumpadi zin, ne siak mulà, ne midlipatan e zin en. Iyan a, is Nengazen, is migkaǥi kayi.

Zatù 2:11

Mibaal te mezaat diyà te etuvangan te Nengazen is menge Israilihanen wey mid-azap dan is ledawan te ed-ezapen he si Baal.