2 Cronica 19:9 - Manobo Western Bukidnon OT

⁹ Iyan heini menge mandù din kandan: Kinahanglan he mebpenilbi kew he metinumanen wey ebpuun te ǥehinawa niw duma is kedtahud te Nengazen.

2 Cronica 19:9 ပူးပေါင်းရင်းမြစ်များ

2 Samuel 23:3

Is Megbevayà he iyan is endilungà he vatu te Israel, migkaǥi sikandin kedì, ke sikandin te, ‘Is etew he metazeng is kedumala wey zuen din kegkehandek te Megbevayà,

2 Cronica 16:9

Su is Nengazen, ne neehè din is tivuuk he menusiyà ne edlig-enan din is menge etew he edsunud kandin. Kelelalung is mibeelan nu! Umbe puun guntaan ne layun ke en ebpekepekidtebek.”

2 Cronica 19:10

Ne emun duen samuk he egkehitavù diyan te keniyu he vaal te menge zuma niw ziyà te minsan hendei he inged he zuen kelevetan te kedhimatey wey zuma pa he paaǥi te kebpekesupak te menge suǥù wey menge sulunuzen, petizeeni niw sikandin he kenè dan mebaal te salà diyà te Nengazen, su wey kenà mepauk sikandin keniyu wey diyà te kandan. Ul-ulaha niw heini para kenè kew mekesalà.

2 Cronica 19:7

Tehuza niw is Nengazen, ne hukum kew te hustu su kenà igkesuat te Nengazen he Megbevayè tew is kebpemintahà, wey kedhukum he zuen edepiǥan, wey iyan ibpevenar is ebpekeveǥey.”

2 Cronica 19:8

Duen daan menge Levihanen, menge memumuhat, wey menge pengulu te menge pemilya te menge Israilihanen he midhimu ni Jehoshafat he menge menhuhusey te menge rirù he zuen kelevetan te kesuǥuan te Nengazen wey kedhusey te menge ebpekedtetebek. Ne ziyè dan med-ubpà te Jerusalem.

Isaias 32:1

Duen keuzemà hadì he metazeng, ne is menge upisyal zin, wazà egkevintahaan diyà te kedumala zan.