2 Cronica 17:9 - Manobo Western Bukidnon OT

⁹ Mid-uwit dan kes Libru te Kesuǥuan te Nengazen ne mid-eneb dan is langun he inged te Juda ne mibpenurù dan is menge etew.

2 Cronica 17:9 ပူးပေါင်းရင်းမြစ်များ

2 Cronica 15:3

Meluǥayad he timpu ne wazà kilelalaa te menge Israilihanen is tutuu he Megbevayà; wazè dan menge memumuhat he mibpenurù kandan, wey wazè dan menge kesuǥuan.

2 Cronica 19:8

Duen daan menge Levihanen, menge memumuhat, wey menge pengulu te menge pemilya te menge Israilihanen he midhimu ni Jehoshafat he menge menhuhusey te menge rirù he zuen kelevetan te kesuǥuan te Nengazen wey kedhusey te menge ebpekedtetebek. Ne ziyè dan med-ubpà te Jerusalem.

2 Cronica 35:3

Mibeǥayan din daan te menge vuluhaten is menge Levihanen he menge menunudlù te menge Israilihanen, he impehinungud para te kebpenilbi te Nengazen. Migkeǥiyan din sikandan te, “Ingkepelastar en is segradu he kavan diyà te valey te Nengazen he mibangun ni Solomon he anak ni David, ne kenè en kinahanglan he ebintingen niw pa. Gemita niw en is timpu niw te kebpenilbi te Nengazen he Megbevayè niw wey te menge etew zin he menge Israilihanen.

Nehemias 8:7

Ne hein midhitindeg en is menge etew, impesavut diyà te kandan is Kesuǥuan. Is mibpesavut kandan iyan is menge Levihanen he ensi Jeshua, Bani, Sherebia, Jamin, Akub, Shabetai, Hodia, Maasea, Kelita, Azaria, Jozabad, Hanan, wey si Pelaya.

Isaias 8:20

Kinahanglan he is kesuǥuan wey penurù te Nengazen ne iyan niw ebpemineǥen. Emun duen menge etew he egkaǥi te supak te menge penurù te Nengazen, heeyan he menge etew wazà meteyawi is isip dan.

Malakias 2:7

“Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.