2 Cronica 17:3 - Manobo Western Bukidnon OT

³ Eduma is Nengazen ki Jehoshafat su zutun te nehuna he menge tuig te kedhadì din ne midsunud din is menge ulaula te kepuun din he si David. Wazà sikandin medangep diyà te menge ledawan ni Baal,

2 Cronica 17:3 ပူးပေါင်းရင်းမြစ်များ

Genesis 39:21

midumahan ded si Jose te Nengazen. Tenged te tuvad te Nengazen, nehizuwan duen te ebantey zuen te pirisuwan si Jose.

2 Samuel 5:10

Utew mibmelig-en si David, tenged te edtevangan sikandin te Nengazen he Megbevayà he Mekeǥeǥehem.

2 Samuel 8:15

Nehimu he hadì si David te tivuuk he Israel ne mibeelan din is metazeng wey hustu para te langun he menge etew zin.

1 Hadì 11:6

Pinaaǥi kayi nekevaal si Solomon te mezaat diyà te etuvangan te Nengazen. Wazà sikandin mebpurung mesunud te Nengazen; kenà iring is baal zin te vaal te amey zin he si David.

1 Hadì 22:43

Midsunud din is ulaula te amey zin he si Asa. Metazeng diyà te etuvangan te Nengazen is mid-ulaula zin. Piru wazè din ipen-awà sikan is menge simbahan diyà te metikang he menge lugar, umbe mibpedayun is menge etew te kebpemuhat wey kedtutung te veyewà dutun.

1 Hadì 3:3

Impaahà ni Solomon is kebmahala zin te Nengazen pinaaǥi te kedtuman te menge sulunuzen he impemilinbilin kandin te amey zin he si David. Iyan dà is, nemuhat sikandin wey midtutung te menge veyewà diyà te menge simbahan diyà te metikang he menge lugar.

2 Hadì 14:3

Meupiya is ulaula ni Amazia ziyà te etuvangan te Nengazen, piru kenà iring te mibeelan ni David he kepuun din. Kekenà, mid-iringan din is amey zin he si Joash.

2 Hadì 16:2

Mibpenuiǥen si Ahaz te 20 hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te 16 he tuig. Mezaat is ulaula zin diyà te etuvangan te Nengazen he Megbevayè din, kenà iring te mibeelan te kepuun din he si David.

2 Hadì 18:3

Meupiya is ulaula ni Hezekia ziyà te etuvangan te Nengazen, iring te mibeelan te kepuun din he si David.

2 Hadì 22:2

Meupiya is baal zin diyà te etuvangan te Nengazen ne mid-iringan din is ulaula te kepuun din he si David. Midsunud din is hustu.

1 Cronica 22:18

Migkaǥi sikandin diyà te kandan te, “Iyan duma niw is Nengazen he Megbevayè niw wey mibeǥayan kew zin te kelinew su wazè kew mekepekidtebek te nekeliǥuy keniyu he menge etew. Su imbeǥey zin kedì is langun he ed-ubpà kayi he tanà, ne ǥuntaan ne iyan en teǥiǥaked kayi is Nengazen, ne nesakup tew en heini te keet-etawan din.

2 Cronica 14:11

Ne nengemuyù si Asa ziyà te Nengazen he Megbevayè din, “He Nengazen, wazè en minsan hentei he ebpeketavang te menge etew he wazè din igkesukul te menge gemhanan kekenà sikew zà. He Nengazen he Megbevayè dey, tevangi key su midsarig key kenikew, wey pinaaǥi te ngazan nu ne midhendini key te kedsukul kayi te utew mezakel he menge sundaru. He Nengazen, iyan ka Megbevayè dey; kenè nu ituǥut he mekezaag is etew he ebpekigkuntada kenikew.”

2 Cronica 15:2

Ne mibpekid-ahà sikandin ki Asa ne migkeǥiyan din te, “Pemineǥa a keniyu Hadì Asa, wey sikiyu is langun he tig-Juda wey tig-Benjamin. Is Nengazen ne kenà edsuwey keniyu emun kenè kew edsuwey kandin. Emun edangep kew kandin ne egkeehè niw is keupiya zin. Piru ke ed-iniyuǥan niw sikandin, ne ed-iniyuǥan kew zin daan.

2 Cronica 17:2

Mibpepelestaran din te menge sundaru is langun he vinerengbeng he menge inged te Juda, ne midtukuzan din te menge kampu te menge sundaru is Juda wey is menge inged te Efraim he naaǥew te amey zin he si Asa.

2 Cronica 17:4

kekenà, diyà sikandin medangep te Megbevayà te amey zin wey midsunud din is kesuǥuan, ne wazè din sunuza is menge ulaula te menge tig-Israel.

2 Cronica 20:32

Midsunud din is menge ulaula te amey zin he si Asa ne wazè din heini ewai he menge vaal. Nekepenunuat te Nengazen is menge vaal zin.

2 Cronica 21:12

Mibpeuwitan te ebpeneuven he si Elias si Jehoram te surat ne iyan heini egkeǥiyen din: “Iyan heini egkeǥiyen te Nengazen he Megbevayà te kepuun nu he si David: wazè nu sunuza is mid-ulaula te amey nu he si Jehoshafat wey te apù nu he si Asa he nehimu he hadì daan te Juda.

2 Cronica 22:9

Ne impepen-ahà ni Jehu te menge sakup din si Ahazia ne ziyè dan maahà te inged he Samaria is mid-eles. Ne mid-uwit dan sikandin diyà te ki Jehu ne midhimetayan din. Ne inleveng dan is minatey he lawa zin tenged te kedtehuza zan te apù din he si Jehoshafat, su ke sikandan te, “Apù sikandin ni Jehoshafat, kes etew he midangep te Nengazen te tivuuk he ǥehinawa zin.” Ne zutun wazè en minsan sevaha he nesamà te sakup te pemilya ni Ahazia he ereg he egkahadì.

2 Cronica 27:6

Mibmelig-en pa utew si Jotam tenged te midsunud sikandin he metinumanen te Nengazen he Megbevayè din.

2 Cronica 29:2

Meupiya is ulaula ni Hezekia ziyà te etuvangan te Nengazen, iring te mibeelan te kepuun din he si David.

2 Cronica 34:2

Meupiya is baal zin diyà te etuvangan te Nengazen ne mid-iringan din is ulaula te kepuun din he si David. Midsunud din is hustu.

Salmo 46:11

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 46:7

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Exodus 3:12

Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”

Exodus 4:12

Umbe, genat ke en ne ed-uǥupan ku sikew te kegkaǥi wey ibpenurù ku kenikew ke hengkey is egkeǥiyen nu.”

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 8:10

Ke hengkey is pelanu niw he ebpekesuǥat kenami, kenà heini ebmezeeǥen, su zuma zey is Megbevayà.

Jeremias 2:23

“Maan is nekekaǥi kew he wazè kew meremeriki wey wazè kew med-azap te menge ledawan ni Baal? Susiya niw ke hengkey he salà is nehimu niw ziyà te suǥud-suǥud te Hinom. Is-isipa niw is salà he neveelan niw. Iring kew te behiyan he kemilyu he mibpelelevag he kenà ebpeketeren.

Josue 1:5

“Wazà ebpekezaag kenikew mintras uuyag ke pa. Su ebpekiduma a kenikew iring te kebpekiduma ku ki Moises. Kenè ku sikew ed-ewaan wey ebpesegdanen.

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”

Zatù 2:11

Mibaal te mezaat diyà te etuvangan te Nengazen is menge Israilihanen wey mid-azap dan is ledawan te ed-ezapen he si Baal.

Zatù 2:18

Is langun he menge pengulu he imbeǥey te Nengazen kandan ne midtevangan te Nengazen. Ne mintras uuyag pa is menge pengulu zan pedayun is kedlibriya kandan te Nengazen puun te menge kuntada zan. Su nehizuwan din sikandan dutun te kedag-es dan tenged te menge kemeresayan dan te kedèdaaǥa wey kebpesipelahi kandan.

Zatù 6:12

Ne mibpaahà ki Gideon is belinsuǥuen te Nengazen ne migkaǥi te, “Sikew is mevurut wey mezesen he etew, duma nu is Nengazen.”

Zatù 8:33

Ne wazè en meuǥet is kebpatey ni Gideon, ne mid-iniyuǥan en maan te menge Israilihanen is Megbevayà ne iyan dan en maan ed-ezapen is menge ledawan te ed-ezapen he si Baal. Midhimu zan si Baal Berit he megbevayè dan.

1 Samuel 18:12

Nahandek si Saul ki David su edumahan te Nengazen si David, ne sikandin mulà ne mid-ewaan en te Nengazen.

1 Samuel 18:14

Midmezeeǥen si David te langun he menge vaal zin tenged te midumahan sikandin te Nengazen.

1 Samuel 18:5

Midmelempusen si David te mibpeveelan kandin ni Saul, umbe midhimu ni Saul sikandin he egalen te menge sundaru. Nesuatan sikandin te menge etew minsan is menge upisyal ni Saul.