2 Cronica 15:9 - Manobo Western Bukidnon OT

⁹ Ne midtiǥum din is langun he menge keet-etawan te Juda wey Benjamin, wey is menge etew he ebpuun te Efraim, Manase, wey Simeon he zuma zan he meǥinged. Mezakel is midhalin diyà te Juda he ebpuun te Israel hein neehè dan he miduma ki Asa is Nengazen he Megbevayè din.

2 Cronica 15:9 ပူးပေါင်းရင်းမြစ်များ

Genesis 26:28

Ne midtavak dan te, “Nesavut dey he is Nengazen eduma kenikew, umbe neisip dey he kinanahanglan he edhimu kiw te kebpekid-uyun duma zutun is penangdù. Penaad ka kenami

Genesis 39:3

Naahà te egalen din he midumahan si Jose te Nengazen wey midtuvazan is langun he menge vaal zin,

1 Hadì 12:19

Ne minsan guntaan edribildiyan te menge Israilihanen is menge kevuwazan ni David.

1 Hadì 3:28

Ne hein nezineg haazà is disisyun ni Hadì Solomon te menge etew te Israel, neteǥuan sikandan te zekelà he kedtahud kandin, su nemesahan dan he zuen din ketau te kedhukum te hustu he imbeǥey kandin te Megbevayà.

1 Cronica 12:19

Duen daan menge etew he ebpuun te tribu ni Manase he nekezuma ki David hein midhendiyà te menge Filistihanen su ebpekidtebek ki Saul. Piru wazà mebpemineg is menge Filistihanen he eduma si David wey is menge sakup din, su neisip dan he kela ke ziyè ded si David medlavan med-uman te egalen din he si Saul. Umbe hein nepasad is kebpelelelaǥè dan ne impelikù dan ensi David diyà te Ziklag.

2 Cronica 11:16

Is menge Israilihanen diyà te zuma he tribu te Israel he egkesuat he edangep diyà te Nengazen he Megbevayà te Israel, ne nenelukun te menge kevuwazan ni Levi ziyà te Jerusalem, su para mekepemuhat dan te menge pemuhat diyà te Nengazen, he Megbevayà te menge kepuun dan.

2 Cronica 15:10

Midtiǥum dan diyà te Jerusalem te iketelu he vulan te ike-15 he tuig te kedhadì ni Asa.

2 Cronica 19:4

Diyà med-ubpà si Jehoshafat te Jerusalem, piru mibpemeyaan din is menge etew puun te Beersheba pehendiyà diyà te vuvungan te Efraim su ibpelikù din sikandan diyà te Nengazen he Megbevayà te menge kepuun dan.

2 Cronica 30:25

Midlipey is langun he menge etew ziyà te Juda, is menge memumuhat, is menge Levihanen, wey is langun he mid-amur-amur he ebpuun te Israel, ragkes is kenà menge Israilihanen he meǥinged daan diyà te Israel wey Juda.

Ezekiel 37:16

“Sikew is etew, kuwa ka te tinevì ne surati nu heini te, ‘Is ginhedian te Juda.’ Ne uman ke pa kuwa te sevaha pa he tinevì ne surati nu heini te, ‘Ginhedian te Israel.’

1 Samuel 18:28

Hein naahà ni Saul he is Nengazen miduma ki David wey nesuatan te anak din he si Mical si David,