2 Cronica 15:13 - Manobo Western Bukidnon OT

¹³ Ne is minsan hentei he kenà edangep diyà te Nengazen he Megbevayà te Israel, ne edhimetayan, batà etawa meǥurang, maama etawa vahi.

2 Cronica 15:13 ပူးပေါင်းရင်းမြစ်များ

Genesis 19:11

Ne haazà is menge etew he ziyà te ǥawas, mibpengelinteuwan kayi te zezuwa he melakap sikandan para kenà sikandan meketuredu te ǥemawan.

1 Hadì 18:40

Ne segugunà midsuǥù ni Elias is menge etew te, “Dekepa niw is menge ebpeneuven ni Baal. Kinahanglan he wazà ebpekepelaǥuy kandan!” Umbe midakep dan ne mid-uwit sikandan ni Elias diyà te zal-ug he Kishon ne zutun din penhimetayi.

2 Cronica 15:14

Mibpenaad dan diyà te Nengazen pinaaǥi te mezaǥing he laǥeng, duma is ked-ugyab wey impezaǥing dan is menge trumpita wey menge vudyung.

Job 3:19

Ne zutun he lugar is langun he klasi te menge etew, bentuǥan etawa kenà. Is menge uripen, kenè en egkeveyveyaan te menge egalen dan.

Job 34:19

Wazè din ibpelavi te menge pengulu; wazè din peburi is menge sepian lavew te menge pubri, su pudu zin sikandan linimbag.

Salmo 115:13

Edtuvazan din is langun he edtahud kandin dekelà se zeisey is pid-etawan dan.

Exodus 12:29

Ne hein liwazè en is kezukileman, midhimetayan en te Nengazen is langun he penganey he menge anak he maama diyà te Ehipto, puun te penganey he anak te hadì, he iyan pezem ebpekeilis kandin te kedhadì, pehendiyà te penganey te menge pinirisu ziyà te pirisuwan wey is langun he penganey te menge uyaǥen.

Exodus 22:19

“Is minsan hentei he edtambid te ayam kinahanglan he edhimetayan.

Exodus 22:20

“Is minsan hentei he kenè din iyan ebpemuhaten is Nengazen su iyan din ebpemuhaten is duma he ed-ezapen, kinahanglan he ebpurungan edèdeeti.

Zefanias 1:6

Edezeetan ku is menge mid-iniyug kedì wey is menge wazà medangep kayi te kedì.

Deuteronomio 29:18

Sigureduwa niw he wazà diyà te keniyu maama, bahi, pemilya, etawa tribu he ed-iniyug te Nengazen he Megbevayè tew, ne ed-azap te menge ed-ezapen te menge etew zutun he menge nasyun, para wazà minsan sevaha keniyu he egkeiring te zalid he edtuvù he mepait wey edhilu.