2 Cronica 14:4 - Manobo Western Bukidnon OT

⁴ Ne mibmenduan din is menge etew te Juda te kedangep te Nengazen, is Megbevayà te menge kepuun dan, wey kedtuman te menge kesuǥuan din.

2 Cronica 14:4 ပူးပေါင်းရင်းမြစ်များ

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

2 Cronica 11:16

Is menge Israilihanen diyà te zuma he tribu te Israel he egkesuat he edangep diyà te Nengazen he Megbevayà te Israel, ne nenelukun te menge kevuwazan ni Levi ziyà te Jerusalem, su para mekepemuhat dan te menge pemuhat diyà te Nengazen, he Megbevayà te menge kepuun dan.

2 Cronica 14:3

Impemerundus din is menge pemuhatà para te zuma he menge ed-ezapen wey is menge simbahan diyà te metikang he menge lugar. Imperupet din daan kes tedeman he menge vatu wey impepiley is menge tukud he simbulu te ed-ezapen he si Ashera.

2 Cronica 14:5

Imperundus din is menge simbahan diyà te metikang he menge lugar wey menge pemuhatà he edtutungan te menge veyewà diyà te langun he inged te Juda. Umbe zuen kelinew te ginhedian te Juda te timpu he iyan hadì si Asa.

2 Cronica 29:21

Midtundan dan te pitu he tudu he vaka, pitu he meemahan he menge kerehidu he memeǥurang en, pitu he meemahan he menge kerehidu he menge nati pa, wey pitu he meemahan he kambing he pemuhat he para idlumpiyu te ginhedian dan, wey te Baley te Nengazen wey te menge etew ziyà te Juda. Midsuǥù ni Hadì Hezekia is menge memumuhat he menge kevuwazan ni Aaron te kebpemuhat keniyan he menge pemuhat diyà te pemuhatà he para te Nengazen.

2 Cronica 29:27

Ne mibmandù si Hezekia he ipemuhat en diyà te pemuhatà is menge pemuhat he edtutungen. Ne zutun te kebpemuhat, migkanta is menge etew te kedalig te Nengazen, he miduyuǥan te menge trumpita wey zuma pa he menge instrumintu he iring te mibpemeveelan dengan ni Hadì David he hadì te Israel.

2 Cronica 29:30

Midsuǥù ni Hadì Hezekia wey te menge upisyal zin is menge Levihanen te kedalig te Nengazen pinaaǥi te kegkentaha zan te menge kentahan he vineelan ni Hadì David wey ni Asaf he ebpeneuven. Ne melipayen sikandan he egkanta te menge kentahan he idalig dutun te midluhud sikandan is ed-azap te Megbevayà.

2 Cronica 30:12

Midhimu zaan te Megbevayà is menge tig-Juda he mesevaha sikandan te kedtuman te mandù te hadì wey te menge upisyal, sumalà is insuǥù te Nengazen.

2 Cronica 30:19

he nenganduy te kedangep diyà te kenikew, te Megbevayà te menge kepuun din, minsan pa ke kenà sikandin lumpiyu sumalà te sulunuzen diyà te valey te Nengazen!”

2 Cronica 33:16

Ne zutun mibpepurungan din sikan is pemuhatà he para te Nengazen ne mibpemuhatan heini te menge pemuhat he para te meupiya he kedepità wey menge pemuhat he para te kebpeselamat. Migkeǥiyan din is menge meǥinged diyà te Juda he mebpenilbi zan te Nengazen he Megbevayà te Israel.

Nehemias 13:9

Ne impelumpiyuwan ku haazà is ruǥu, ne hein nepasad, impelikù ku zutun sikan is menge gelemiten duen te valey te Nengazen ragkes en is menge halad he para gasa wey veyewà.

Salmo 119:10

Ebpuun diyà te tivuuk he gehinawa ku is kedangep ku kenikew, umbe kenè nu ituǥut he meiniyuǥi ku is menge suǥù nu.

Amos 5:4

Umbe, dangep kew kayi te kedì, is menge etew te Israel, su wey kew meuyag-uyag.

Josue 24:15

Iyan, emun kenè niw igkelipey is kebpenilbi te Nengazen, pilì kew ǥuntaan he andew ke hentei is edsilbiyan niw. Iyan be is menge ed-ezapen he midsilbiyan te menge kepuun niw ziyà layun te Wahig he Eufrates, etawa iyan is menge ed-ezapen te menge Amorihanen he mid-ubpaan niw ǥuntaan is tanè dan. Piru siak mulà wey is pemilya ku, Nengazen is kenami he edsilbiyan.”

1 Samuel 3:13

Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.