2 Cronica 14:3 - Manobo Western Bukidnon OT

³ Impemerundus din is menge pemuhatà para te zuma he menge ed-ezapen wey is menge simbahan diyà te metikang he menge lugar. Imperupet din daan kes tedeman he menge vatu wey impepiley is menge tukud he simbulu te ed-ezapen he si Ashera.

2 Cronica 14:3 ပူးပေါင်းရင်းမြစ်များ

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

2 Hadì 18:4

Imperundus din is menge simbahan diyà te metikang he menge lugar; imperupet din is tedeman he vatu, wey impepenamped din is menge tukud he simbulu te vahi he ed-ezapen he si Ashera. Imperuntek din daan is brunsi he uled he mibeelan ni Moises, su taman en dutun he timpu is ked-ezapa zuen te menge Israilihanen pinaaǥi te kedtutung te menge veyewà. Heini is brunsi he uled, migngezanan te Nehushtan.

2 Hadì 23:14

Midpenrupet ni Josia is tedeman he menge vatu wey mibpenamped din is menge tukud he simbulu te vahi he ed-ezapen he si Ashera. Ne midremerikan din heini he menge lugar pinaaǥi te kebpeyepati zuen te tulan te menge etew.

2 Hadì 23:6

Impaawà daan ni Hadì Josia sikan is tukud he simbulu te vahi he ed-ezapen he si Ashera diyà te valey te Nengazen ne mid-uwit haazà diyà te ǥawas te Jerusalem, he ziyà te zal-ug te Kidron, ne mibinsulan dutun. Ne impevekvek din heini ne insawed diyà te penlevengà.

2 Cronica 14:2

Metazeng diyà te etuvangan te Nengazen he Megbevayè din is mid-ulaula ni Asa.

2 Cronica 14:4

Ne mibmenduan din is menge etew te Juda te kedangep te Nengazen, is Megbevayà te menge kepuun dan, wey kedtuman te menge kesuǥuan din.

2 Cronica 15:17

Minsan te wazà maawà is langun he simbahan diyà te metikang he lugar te Israel, ne wazà si Asa med-awà diyà te Nengazen te tivuuk he untung din.

2 Cronica 33:16

Ne zutun mibpepurungan din sikan is pemuhatà he para te Nengazen ne mibpemuhatan heini te menge pemuhat he para te meupiya he kedepità wey menge pemuhat he para te kebpeselamat. Migkeǥiyan din is menge meǥinged diyà te Juda he mebpenilbi zan te Nengazen he Megbevayà te Israel.

2 Cronica 34:4

Mibpezèdeetan din daan is menge pemuhatà he para te menge ledawan te ed-ezapen he si Baal wey is menge pemuhatà he edtutungan te veyewà diyà te avey kayi. Imperuntek din is menge tukud he simbulu te vahi he ed-ezapen he si Ashera wey is duma he menge ed-ezapen wey menge ledawan, ne insawed din heini ziyà te menge leveng te menge etew he nemuhat kayi he menge ed-ezapen.

Exodus 34:13

Umbe, pemengkaǥa niw is menge pemuhatè dan, penrupeta niw is tedeman dan he menge vatu, wey penempeza niw is menge tukud dan he simbulu te vahi he ed-ezapen dan he si Ashera.

Leviticus 26:30

Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.

Deuteronomio 7:25

Iagbur niw ziyà te hapuy is menge ledawan he ed-ezapen dan, ne kenè niw keimahi is menge vulawan wey menge pelata zutun. Kenè niw haazà kuwaa su pekaid haazà keniyu. Pekeziyui niw heini su utew mezaat is ked-isipa kayi te Nengazen he Megbevayè niw.

Deuteronomio 7:5

Iyan heini ereg he ebeelan niw: pemengkaǥa niw is menge pemuhatè dan, penrupeta niw is tedeman dan he menge vatu, penempeza niw is menge tukud dan he simbulu te ed-ezapen dan he si Ashera, wey penutunga niw is menge ed-ezapen dan.