2 Cronica 14:2 - Manobo Western Bukidnon OT

² Metazeng diyà te etuvangan te Nengazen he Megbevayè din is mid-ulaula ni Asa.

2 Cronica 14:2 ပူးပေါင်းရင်းမြစ်များ

1 Hadì 15:11

Metazeng diyà te etuvangan te Nengazen is mid-ulaula ni Asa, iring sikandin te kepuun din he si David.

1 Hadì 15:12

Midsegseg din puun te Juda is menge maama wey menge vahi he ebelegyà te zengeg dan diyà te menge lugar he zutun dan ed-azap, ne impaawè din is menge ed-ezapen he mibpeveelan te menge kepuun din.

1 Hadì 15:14

Minsan wazà maawà sikan is menge simbahan diyà te metikang he menge lugar, mepezumdumahan gihapun si Asa te Nengazen te tivuuk he untung din.

2 Cronica 14:1

Ne hein minatey si Abia, ne ziyà ileveng te Inged ni David. Ne si Asa is anak din iyan nekeilis kandin te kedhadì. Ne hein iyan hadì si Asa, ne melinawen is Juda seled te 10 he tuig.

2 Cronica 14:3

Impemerundus din is menge pemuhatà para te zuma he menge ed-ezapen wey is menge simbahan diyà te metikang he menge lugar. Imperupet din daan kes tedeman he menge vatu wey impepiley is menge tukud he simbulu te ed-ezapen he si Ashera.

2 Cronica 15:16

Impaawà daan ni Hadì Asa is apù din he si Maaca te kegkerayna zin tenged te mibaal sikandin te utew mezaat he tukud he simbulu te ed-ezapen he si Ashera. Impetamped ni Asa heini he tukud ne impeǥurey zin. Ne mibpevinsulan din diyà te zal-ug te Kidron.

2 Cronica 17:6

Metinumanen sikandin te kedsunud te menge paaǥi te Nengazen. Imperundus din te menge tig-Juda is menge simbahan diyà te metikang he menge lugar wey kes tukud he simbulu te vahi he ed-ezapen he si Ashera.

2 Cronica 20:32

Midsunud din is menge ulaula te amey zin he si Asa ne wazè din heini ewai he menge vaal. Nekepenunuat te Nengazen is menge vaal zin.

2 Cronica 21:12

Mibpeuwitan te ebpeneuven he si Elias si Jehoram te surat ne iyan heini egkeǥiyen din: “Iyan heini egkeǥiyen te Nengazen he Megbevayà te kepuun nu he si David: wazè nu sunuza is mid-ulaula te amey nu he si Jehoshafat wey te apù nu he si Asa he nehimu he hadì daan te Juda.

2 Cronica 31:1

Ne hein nepasad haazà is pista, is menge Israilihanen he midtelavuk dutun midhendiyà te menge inged te Juda ne mibpenrupet dan is tedeman he menge vatu wey mibpenamped dan is menge tukud he simbulu te vahi he ed-ezapen he si Ashera. Mibpenrundus dan is menge simbahan diyà te metikang he menge lugar wey is menge pemuhatà diyà te tivuuk he Juda wey Benjamin, wey ziyà te Efraim wey Manase. Ne hein nepasad dan haazà te ebpenrundus, ne mid-ulì sikandan diyà te menge inged dan wey tanè dan.

2 Cronica 31:20

Iyan heeyan mibeelan ni Hadì Hezekia ziyà te tivuuk he Juda. Mibeelan din is meupiya wey hustu, ne metinumanen sikandin diyà te etuvangan te Nengazen he Megbevayè din.

2 Cronica 34:7

Mibpezèdeetan din is menge pemuhatà wey menge tukud he simbulu te vahi he ed-ezapen he si Ashera, wey imperuntek din is menge ed-ezapen wey is menge pemuhatà he edtutungan te veyewà. Ne hein nepasad din te ebaal heini ziyà te tivuuk he Israel, ne mid-ulì sikandin diyà te Jerusalem.

Exodus 23:24

Kenè niw ezapa wey silbiyi is kandan he ebpen-ezapen, ne kenè niw iringi is menge vaal zan. Purungi niw zèdeeti is menge ed-ezapen dan wey is menge vatu he tedeman dan.

Deuteronomio 12:3

Pemengkaǥa niw is menge pemuhatè dan, penrupeta niw is tedeman dan he menge vatu, peminsuli niw is menge tukud he simbulu te vahi he ed-ezapen dan he si Ashera, wey penrupeta niw is ledawan te ebpen-ezapen dan su para melipati en heini zutun he lugar.