2 Cronica 13:8 - Manobo Western Bukidnon OT

⁸ Ne ǥuntaan egkesuatan niw te egkuntada is ginhedian te Nengazen he ziyà isarig te kevuwazan ni David. Mibpegalbu kew he mezakel is menge sundaru niw wey neuwit niw kes bulawan he menge vaka he mibpeveelan ni Jeroboam he iyan menge megbevayè niw.

2 Cronica 13:8 ပူးပေါင်းရင်းမြစ်များ

1 Hadì 12:28

Umbe, hein nepasad is kebpesambag ni Jeroboam mehitenged kayi te neisip din, ne mibpevaal sikandin te zezuwa he vulawan he vaka. Ne migkeǥiyan din is menge etew te, “Sikiyu is menge Israilihanen, egkereǥenan kew en te layun kedhendiyà te Jerusalem. Ne heini zed is menge ed-ezapen he mibpeǥawas keniyu ziyà te Ehipto.”

1 Hadì 12:29

Is sevaha zutun te vulawan he vaka impesavuk din diyà te Betel ne is sevaha pa, ziyè din ipesavuk te Dan.

1 Hadì 14:9

Edhuna pa he mezaat is kenikew he mibeelan te mibeelan te menge hadì he nehuna kenikew. Mid-iniyuǥan a kenikew wey midhimu nu he mepauk a pinaaǥi te kebaal nu te mital he menge ed-ezapen.

2 Cronica 11:15

Midtezù si Jeroboam te keugelingen din he menge memumuhat diyà te menge simbahan diyà te metikang he menge lugar, he zutun dan ed-ezapa is menge ed-ezapen dan he mibpeveelan ni Jeroboam he kambing wey vaka.

2 Cronica 20:12

He Megbevayè dey, kenè nu ve sikandan edsilutan? Kenè key ebpekehimu he edsukul kayi te utew mezakel he menge sundaru he edsurung kenami. Kenè dey egketuenan ke hengkey is ebeelan dey, piru edsarig key kenikew.”

2 Cronica 20:6

Ne migkaǥi te, “He Nengazen, Megbevayà te menge kepuun dey, iyan ka kes Megbevayà he ziyà te langit. Iyan ka mibayàbayà te langun he ginhedian kayi te kelibutan. Gemhanan ka ne wazà ebpekesukul kenikew.

2 Cronica 9:8

Ereg he edeliǥen is Nengazen he Megbevayè nu, he nelipey kenikew wey midhimu kenikew he hadì para edhadì ka para kandin. Tenged te gaǥew te Megbevayè nu te Israel wey te suat din he mebpedayun heini he nasyun te wazà pidtemanan, midhimu ke zin he hadì kayi, para meveeli nu is hustu wey metazeng diyà te menge etew.”

Salmo 33:16

Is hadì kenà ebpekezaag te tebek tenged dà te kezakel te menge sundaru zin. Is sevaha he sundaru kenà ebpekeǥawas he libri puun te tebek tenged dà te kezesen din.