2 Cronica 13:6 - Manobo Western Bukidnon OT

⁶ Piru sikew Jeroboam is anak ni Nebat midsukul ka te egalen nu he si Solomon he anak ni David.

2 Cronica 13:6 ပူးပေါင်းရင်းမြစ်များ

1 Hadì 11:26

Is sevaha pa he nekigkuntada ki Solomon iyan si Jeroboam he sevaha te menge upisyal zin. Ebpuun sikandin diyà te inged he Zereda ziyà te Efraim. Is amey zin he si Nebat minatey en, piru is iney zin he si Zerua uuyag pa.

1 Hadì 12:20

Ne si Jeroboam mulà, hein netuenan te langun he menge Israilihanen he nekeulì en sikandin, impetawag dan sikandin diyà te ketiǥuman dan, ne midhimu zan sikandin he hadì te tivuuk he Israel. Iyan dà is tribu ni Juda pedayun he nekid-uunungen te menge kevuwazan ni David.

1 Hadì 12:27

emun ebpedayun is layun kedhendiyà te menge etew te Jerusalem te kebpemuhat diyà te valey te Nengazen. Egkehimu ke ed-uman dan ebpekid-uunungen te egalen dan diyà te Juda he si Hadì Rehoboam. Ne emun egkeulaula heeyan, ne edhimetayan e zan ne edlikù dan diyà te ki Rehoboam.”

2 Hadì 18:7

Mibpekiduma kandin is Nengazen, ne mezeeǥen sikandin diyà te langun he menge vaal zin. Nekidsukulà sikandin te hadì te Asiria ne wazà mebpenilbi kandin.

2 Cronica 10:19

Ne minsan guntaan edribildiyan te menge Israilihanen is menge kevuwazan ni David