2 Cronica 13:2 - Manobo Western Bukidnon OT

² Diyà med-ubpà te Jerusalem si Abia, ne midhadì sikandin seled te tetelu he tuig. Iyan iney zin si Maaca he anak ni Uriel he tig-Gibeah. Mibpetebekà si Abia wey si Jeroboam.

2 Cronica 13:2 ပူးပေါင်းရင်းမြစ်များ

1 Hadì 14:19

Is duma pa he ǥuǥud mehitenged te kedhadì ni Jeroboam, ragkes is kebpekidtebek din, ne ingkesurat diyà te Libru he Midsuratan te menge Keguǥuza te menge Hadì te Israel.

1 Hadì 14:20

Midhedian ni Jeroboam is Israel seled te 22 he tuig. Ne hein minatey sikandin, iyan nekeilis kandin he hadì is anak din he si Nadab.

1 Hadì 15:2

Diyà med-ubpà te Jerusalem si Abia, ne midhadì sikandin seled te tetelu he tuig. Iyan iney zin si Maaca he apù ni Absalom.

2 Cronica 11:20

Mid-esawa zaan ni Rehoboam si Maaca he anak ni Absalom. Ne iyan menge anak dan he menge maama si Abia, Atai, Ziza, wey si Shelomit.

2 Cronica 12:15

Is guǥud mehitenged te kedhadì ni Rehoboam puun te puunà taman te ketepusan, ne insurat diyà te Libru ni Shemaya he ebpeneuven wey ziyà te Libru ni Iddo he ebpeneuven he listahan te menge kevuwazan. Layun dengan edtebek si Rehoboam wey si Jeroboam.

2 Cronica 13:3

Nenurung si Abia duma is 400,000 he menge mevurut he menge sundaru, ne mid-andam daan si Jeroboam te 800,000 he memetau he ebpekidtebek he menge sundaru.

Josue 18:28

Zela, Ha Elef, Jebus (he iyan Jerusalem), Gibea, wey Kiriat Jearim: ne 14 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged. Iyan heini nepengevilin te tribu ni Benjamin he mibahin diyà te kada pemilya zan.

Zatù 19:14

Umbe, midsigudu en sikandan medhipanew. Midsanlep en is andew hein nekeuma sikandan diyà te uvey te Gibea he sakup te tanà ni Benjamin.

Zatù 19:16

Ne hein mezukilem en, duen sevaha he meǥurang he maama he mid-ulì puun te midterebehuwan din he pemuleey zin. Heini he meǥurang, diyà dengan med-ubpà te vuvungan te Efraim, piru midhalin sikandin diyà te Gibea. Heini is Gibea ragkes te tanà te tribu ni Benjamin.

1 Samuel 10:26

Mid-ulì daan si Saul ziyà te valey zan diyà te Gibea. Midumahan sikandin te menge sundaru he mibpengelinteuwan te Megbevayà he mekezuma kandin.