2 Cronica 10:4 - Manobo Western Bukidnon OT

⁴ “Meveǥat is mibpeveelan kenami te amey nu. Piru emun ebpekemehegkapen nu heini, ne ebpenilbi key kenikew.”

2 Cronica 10:4 ပူးပေါင်းရင်းမြစ်များ

1 Hadì 12:4

“Meveǥat is mibpeveelan kenami te amey nu. Piru emun ebpekemehegkapen nu heini, ne ebpenilbi key kenikew.”

1 Hadì 4:20

Is kezakel te menge etew ziyà te Juda wey Israel henduen be te pantad diyà te veyvey te zaǥat he kenà egkevilang. Dekelà is egkekaan dan wey egkeinum dan, ne melipayen sikandan.

1 Hadì 4:25

Umbe, zutun te uuyag pa si Solomon, duen kelinew ziyà te Juda wey Israel puun te Dan taman te Beersheba. Is kada etew, edsihung diyà te pinemula zin he paras wey kayu he higus he zuen din kelinew.

1 Hadì 5:13

Ne zutun mibpeǥes ni Hadì Solomon te kedterebahu is 30,000 he menge etew he ebpemuun diyà te tivuuk he Israel.

1 Hadì 5:15

Ne 70,000 is menge etew ni Solomon he perehakut te menge idhiman, ne 80,000 is perevasbas te menge vatu ziyà te vuntud.

1 Hadì 9:22

Piru wazà minsan hentei he Israilihanen he mid-uripen ni Solomon, kekenà, midhimu zin sikandan he menge sundaru zin, menge upisyal, menge pengulu te menge sundaru, menge peremandar te menge kerwahi zin, wey te menge pereuntud te kudà.

2 Cronica 10:3

Impetawag te menge Israilihanen si Jeroboam, ne pudu zan midhendiyà te ki Rehoboam ne ke sikandan te,

2 Cronica 10:5

Midtavak si Rehoboam te, “Beǥayi e zèpa keniyu te tetelu he andew te ked-isip-isip kayi, egkepasad haazà ne likù kew kayi te kedì.” Umbe mid-ulì haazà is menge etew.

Exodus 2:23

Ne hein neuǥet en, mibpatey en sikan is hadì te Ehipto. Ne is menge kevuwazan ni Israel kemulu ǥihapun is kegkengereǥeni zan tenged te ked-uripena kandan. Ne nengemuyù sikandan wey zan metevangi, ne nekeuma haazà diyà te Megbevayà.

Isaias 47:6

Nepeukan ku is menge etew he ǥaked ku, ne inselikwey ku sikandan. Umbe imbeǥey ku sikandan kenikew, ne wazè nu sikandan mehizuwi. Ne minsan ganì is menge meǥurang en kandan ne midaagdaag nu.