2 Cronica 1:8 - Manobo Western Bukidnon OT

⁸ Midtavak si Solomon te, “Impeehè nu is dekelà he ǥaǥew nu te amey ku he si David, ne ǥuntaan ne iyan a impuli nu he hadì.

2 Cronica 1:8 ပူးပေါင်းရင်းမြစ်များ

2 Samuel 22:51

Is pinilì nu he hadì ebeǥayan nu te zekelà he menge kezeeǥan. Mahal nu si David wey is menge kevuwazan din te wazà pidtemanan.”

1 Hadì 3:6

Midtavak si Solomon te, “Impeehè nu is dekelà he ǥaǥew nu te amey ku he si David, he suluǥuen nu, su mepezumdumahan sikandin kenikew, metazeng, wey hustu is kebpengungubpaan din. Impelaus nu is kebpaahà nu te zekelà he keupiya nu pinaaǥi te kebeǥayi nu kandin te sevaha he anak he iyan ebpekeilis kandin te kedhadì guntaan.

1 Cronica 17:16

Dutun midseled si Hadì David dutun te Tulda he zutun kes Kavan te Kebpekid-uyun. Ne mibpinuu sikandin diyà te etuvangan te Nengazen ne mibpengemuyù te, “He Nengazen he Megbevayà, hentei e ves wey is pemilya ku maan is midtuvazan a kenikew te iring kayi?

1 Cronica 28:5

Mibeǥayan e zin te mezakel he menge anak he menge maama, ne ebpuun dutun te kandan mibpilì din si Solomon he edhadì te ginhedian din he iyan is Israel.

1 Cronica 29:23

Umbe, mibpinuu si Solomon duen te pinuuwey te Nengazen te kedhadì he ilis te amey zin he si David. Mid-uswag si Solomon wey mibpezumazuma kandin is tivuuk he Israel.

1 Cronica 29:28

Mibmeluǥayad is untung din wey sepian sikandin wey dungganen. Minatey sikandin he meǥurang en utew, ne neilisan sikandin te anak din he si Solomon te kedhadì.

Salmo 86:13

Su utew a kenikew mibmahal; midlibri a kenikew te kemetayen.

Salmo 89:49

Nengazen, hendei en is gaǥew nu he iring duen te nehuna, he insaad nu ziyà te ki David dengan tenged te kebmetinumanen nu?

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.