2 Cronica 1:2 - Manobo Western Bukidnon OT

² Ne mibpekidlalag si Solomon te langun he menge Israilihanen, te menge peremandar te menge linibu wey menge ginatus he menge sundaru, te menge menhuhusey, te langun he menge pengulu te Israel, wey te langun he menge pengulu te menge pemilya.

2 Cronica 1:2 ပူးပေါင်းရင်းမြစ်များ

1 Hadì 3:4

Duen timpu he midhendiyà si Hadì Solomon te Gibeon su ebpemuhat, su zutun is utew nevantug he pemuhatà diyà te metikang he lugar. Nemuhat sikandin diyà te pemuhatà he 1,000 he menge pemuhat he edtutungen.

1 Cronica 13:1

Mibpekidlalag si David te menge upisyal zin, he menge peremandar te linibu wey ǥinatus he menge sundaru zin.

1 Cronica 15:12

Migkeǥiyan din sikandan te, “Iyan kew menge pengulu te menge pemilya te menge kevuwazan ni Levi. Mebpekelumpiyu kew wey is menge iring niw he menge kevuwazan ni Levi, para egkeuwit niw kes Kavan te Nengazen he Megbevayà te Israel, diyà te lugar he inteǥana ku para kayi.

1 Cronica 15:3

Miburunburun ni David is langun he menge Israilihanen diyà te Jerusalem te ked-uwit duen te Kavan te Nengazen diyà te lugar he inteǥana zin para kayi.

1 Cronica 24:31

Iring te mibeelan te menge kevuwazan ni Aaron, midripahan dan is kegketueni zan te menge ketengdanan dan, midripa is menge vetan-en wey menge meǥurang. Diyè dan heini veeli te etuvangan ni Hadì David, ni Zadok, ni Ahimelec, wey te menge pengulu te menge pemilya te menge memumuhat wey te menge Levihanen.

1 Cronica 24:4

Is menge kevuwazan ni Eleazar mibahin te 16 he grupu, ne is kevuwazan ni Itamar mibahin daan te walu he grupu, su mezakel is menge pengulu te pemilya te menge kevuwazan ni Eleazar.

1 Cronica 27:1

Iyan heini menge nelista he menge pengulu, menge peremandar, wey menge upisyal te menge Israilihanen he ebpenilbi te hadì pinaaǥi te kedumala te menge grupu te menge sundaru he ebpenilbi te senge vulan kada tuig. Is kada grupu ne zuen 24,000 he menge sundaru.

1 Cronica 28:1

Dutun he timpu, impetawag ni Hadì David diyà te Jerusalem is langun he menge upisyal te Israel: Is menge upisyal te menge tribu, is menge peremandar te kada grupu te menge sundaru he ebpenilbi te hadì, is duma pa he menge peremandar te menge linibu wey ginatus he menge sundaru, is menge upisyal he menge sineriǥan te langun he menge azen wey menge layud dutun te hadì wey te menge anak din, is menge upisyal ziyà te turuǥan is menge gehemanen he menge etew, wey langun he memetau he menge sundaru.

1 Cronica 29:1

Ne migkeǥiyan ni Hadì David is langun he menge Israilihanen te, “Si Solomon he anak ku he mibpilì te Megbevayà, betan-en pa ne wazè din pa kesinetian. Dekelà is buluhaten, su is edtukuzen he vilding ne kenà para te etew, kekenà, para te Nengazen he Megbevayà.

2 Cronica 1:3

Ne migenat si Solomon wey is tivuuk he keet-etawan pehendiyà te simbahan diyà te metikang he lugar ziyà te Gibeon, su ziyà kes Tulda he Edtelevukaayan te Megbevayà. Heini he Tulda ne mibpeveelan ni Moises he suluǥuen te Nengazen diyà te sibsivayan.

2 Cronica 29:20

Ne meselem pa zutun te sunud he andew, midtiǥum ni Hadì Hezekia is menge upisyal ziyà te inged ne midhendiyè dan te valey te Nengazen.

2 Cronica 30:2

Midisisyun si Hadì Hezekia wey is menge upisyal zin, wey is langun he menge etew te Jerusalem he edsilibrahan is Pista te Kedlavey te Belinsuǥuen te ikezuwa he vulan.