1 Samuel 9:7 - Manobo Western Bukidnon OT

⁷ Migkeǥiyan ni Saul kes suluǥuen din te, “Emun edhendiyè ki te kandin, hengkey ve is igkeveǥey ta kandin? Wazè en nesamà he keuyaǥan ta. Wazè te en igkeveǥey kandin.”

1 Samuel 9:7 ပူးပေါင်းရင်းမြစ်များ

1 Hadì 13:7

Ne mid-umanan keǥiyi zutun te hadì haazà is suluǥuen te Megbevayà te, “Duma ka kedì diyà te valey ne kaan ka, ne ebeǥayan ku sikew te gasa.”

1 Hadì 14:3

Hendiyè ka te kandin is ed-uwit te menge gasa he sepulù he supas, menge keenen, wey senge umuy he teneb, su egkeǥiyen din kenikew ke hengkey is egkehitavù kayi te anak ta.”

2 Hadì 4:42

Duen timpu, ne zuen sevaha he etew he ebpuun diyà te Baal Shalisha ne mid-uwit sikandin diyà te ki Elisha te 20 he supas he iyan mibeelan is nehuna he neraǥun he barli, wey beǥu he neraǥun he trigu. Migkaǥi si Elisha te, “Iveǥey nu heeyan diyà te grupu te menge ebpeneuven su wey zan mekaan.”

2 Hadì 5:15

Ne zutun midlikù si Naaman duma te menge zuma zin duen te suluǥuen te Megbevayà. Midhitindeg sikandin diyà te etuvangan ni Elisha he ke sikandin te, “Guntaan netuenan ku en he wazè en duma he Megbevayà kayi te tivuuk he kelibutan, kekenà, iyan dà is Megbevayà te Israel. Umbe zewata nu heini is igasa ku kenikew, datù.”

2 Hadì 5:5

Midtavak haazà is hadì te Aram te, “Genat ka, ne uwita nu is surat ku ziyà te hadì te Israel.” Umbe migenat si Naaman he mid-uwit te gasa he 350 he kilu he pelata, 70 he kilu he vulawan, wey sepulù he lukut he visti.

2 Hadì 8:8

migkeǥiyan din si Hazael te, “Uwit ka te gasa ne sinuǥunga nu is suluǥuen te Megbevayà. Ne keǥiyi nu sikandin he insai zin is Nengazen ke egkeulian e pa kayi te zaru ku.”

2 Hadì 8:9

Umbe, migkergahan ni Hazael is 40 he kemilyu te kinemeupiyahan he menge pruduktu ziyà te Damascus ne mid-uwit din diyà te ki Elisha su igasa zin. Ne hein nekeuma sikandin diyà te ki Elisha, ke sikandin te, “Midsuǥù a te suluǥuen nu he si Ben Hadad, he hadì te Aram, te ked-insà diyà te kenikew ke egkeulian pe be sikandin te zaru zin.”

Ezekiel 13:19

Mibpendezeisey a keniyu ziyà te etuvangan te menge etew ku tenged dà te nepipira he kemkem te barli wey nepipira he supas. Mibpenhimetayan niw is kenà ereg he edhimetayan, ne mibpesagdan niw he meuyag-uyag is ereg pezem he ebpatey.

Zatù 6:18

Ne kenè ka zèpa genat su ebpemuhaten ku sikew.” Ne midtavak is Nengazen te, “Edteǥazan ku sikew.”