1 Samuel 9:6 - Manobo Western Bukidnon OT

⁶ Piru midtavak kes suluǥuen te, “Wey kan be! Henduen te zuen uvey kayi he inged he zuen dutun ed-ubpà he ebpeneuven te Megbevayà. Edtehuzen sikandin te menge etew, ne is menge egkeǥiyen din ne egkengetuman utew. Edhendiyè ki en guntaan te kandin, kela ke mepenurù ki zin ke hendei ta egketuredu kes menge asnu.”

1 Samuel 9:6 ပူးပေါင်းရင်းမြစ်များ

Genesis 24:42

“Umbe, geina te kebpekeuma ku ziyà te kalut, mid-ampù a. Ke siak te, ‘Nengazen, Megbevayà te egalen ku he si Abraham, berakat he ituǥut nu he mehimu is tuyù ku te kedhengkayi ku.

2 Samuel 15:27

Ne migkeǥiyan pa ni David si Zadok te, “Likù kew ki Abiatar ziyà te Jerusalem he melinawen, duma is anak nu he si Ahimaaz wey is anak ni Abiatar he si Jonatan, wey kew mekepeniid diyà.

1 Hadì 13:1

Dutun he timpu midsuǥù te Nengazen is sevaha he suluǥuen din he tig-Juda te kedhendiyà te Betel. Ne kebpekeuma zin diyà, ne edhithitindeg si Jeroboam diyà te pemuhatà su ebpemuhat.

2 Hadì 5:8

Ne hein netuenan ni Elisha, he suluǥuen te Megbevayà, haazà he hitavù, mibpeuwitan din te lalag haazà is hadì he edhenduen te: “Maan is mibindas nu is kumbalè nu? Ipehengkayi nu te kedì heeyan is etew, ne egketuenan din he zuen ebpeneuven kayi te Israel.”

2 Hadì 6:6

Mid-insà si Elisha te, “Hendei zapit meulug?” Ne intezù duen te etew ke hendei meulug, ne mibadtì si Elisha te rasang ne intimbag din duen te neuluǥan. Ne midletew haazà is wasey.

Salmo 25:12

Nengazen, is menge etew he edtahud kenikew, egiyahan nu wey zan meikul is dalan he ereg he ed-ikulen.

Isaias 44:26

Edtumanen ku is menge tagnà te suluǥuen ku wey menunudtulà. Migkaǥi a he egkeumanan egkeubpai is Jerusalem, ne ed-umanan ebenguna is menge inged diyà te Juda he nengevengkag.

Deuteronomio 33:1

Iyan heini menge lalag ni Moises te suluǥuen te Megbevayà hein mibpenubtuvazan din is menge Israilihanen dutun te wazè pa sikandin mebpatey.

1 Samuel 2:27

Duen sevaha he suluǥuen te Megbevayà he mid-uvey ziyà te ki Eli he egkaǥi te, “Iyan heini lalag te Nengazen: Impesavut ku ziyà te gin-epuan niw he si Aaron wey ziyà te pemilya zin te kemulu zan pa neuripen te hadì te Ehipto.

1 Samuel 9:8

Midtavak kes suluǥuen din te, “Heini zed, duen kayi selapì ku. Ibeǥey ku heini ziyà te ebpeneuven te Megbevayà wey ki zin mepenurù ke hendei ta ekgeturedu kes menge asnu.”