1 Samuel 9:3 - Manobo Western Bukidnon OT

³ Sevaha zutun he andew, nengetazin kes menge asnu ni Kish, he amey ni Saul, ke sikandin te, “Dumaha nu is sevaha zutun te suluǥuen nu wey niw pen-ahaa kes menge asnu.”

1 Samuel 9:3 ပူးပေါင်းရင်းမြစ်များ

Zatù 10:4

Duen din 30 he menge anak, is kada sevaha kandan duen din asnu he ed-untuzan. Heini sikandan iyan midumala te 30 he inged diyà te Gilead he egngezanan guntaan te menge inged ni Jair.

Zatù 5:10

Sikiyu is menge sepian he ebpemen-untud te meputì he menge asnu he ziyà ebpeminuu te mekempet he pinuuwà kayi, wey sikiyu zaan is menge pubri he ebpemenhipanew zà, pemineg kew!

1 Samuel 10:14

Ne zutun mid-insaan te anggam din si Saul wey kes suluǥuen din te, “Hendei kew ves ebpuun?” Midtavak si Saul te, “Mibpen-ehè dey is menge asnu. Hein wazè dey en maahà midhendiyè key te ki Samuel.”

1 Samuel 10:2

Ked-awè nu guntaan kayì te kedì te heini en andew, duen igkedsinuǥung nu he dezuwa he etew uvey te leveng ni Raquel ziyà te Zelsa he dulunà te Benjamin. Egkaǥi sikandan diyà te kenikew te, ‘Neehè en kes asnu he ebpen-ahaan niw, ne is amey nu ne wazà meseeng duen, kekenà, iyan ka igkeseeng din, ne edtulung ebpenginginsà te menge etew ke hengkey is ed-ul-ulahan din wey zin maahà kes anak din?’ ”

1 Samuel 9:2

Heini si Kish, duen anak din he egngezanan ki Saul he vetan-en pa. Mekempet he kenakan. Diyà te Israel wazà ebpekerepeng kandin te kekempet wey wazà ebpekerepeng kandin te kelangkew; iyan sikandin kinemelengkawan diyà te Israel.

1 Samuel 9:20

Mehitenged te menge asnu he tetelu en he andew is kegketazin dan, kenè ka meseeng su neehè en. Ne ǥuntaan egkeǥiyen ku kenikew he sikew wey is pemilya te amey nu, ne iyan ed-eluyen layun te menge Israilihanen he iyan egkehimu he ebpengulu kandan.”

1 Samuel 9:4

Umbe, migenat si Saul wey kes suluǥuen is ebpen-ahà. Midhendiyè dan te vuvungan te Efraim wey ziyà te lugar he Shalisha, ne wazè dan en maahà kes menge asnu. Ne midhendiyè dan en maan te lugar he Shaalim wey te lugar te menge kevuwazan ni Benjamin, ne wazè dan en meturedu.