1 Samuel 9:20 - Manobo Western Bukidnon OT

²⁰ Mehitenged te menge asnu he tetelu en he andew is kegketazin dan, kenè ka meseeng su neehè en. Ne ǥuntaan egkeǥiyen ku kenikew he sikew wey is pemilya te amey nu, ne iyan ed-eluyen layun te menge Israilihanen he iyan egkehimu he ebpengulu kandan.”

1 Samuel 9:20 ပူးပေါင်းရင်းမြစ်များ

1 Cronica 29:3

Ne tenged te kebmahala ku zutun te valey te Megbevayè ku, ne ibeǥey ku is keugelingen ku he vulawan wey pelata para te kebangun kayi, wazà lavet duen te menge gamit he inteǥana ku en para te segradu he valey te Nengazen.

Salmo 62:10

Kenè kew medsarig te kebpeneligkep te azen. Kenè niw peretenga is keupiyaanan pinaaǥi te kebpenakew. Minsan edekelè pa is ketiǥeyunan niw, ne kenè niw heini seriǥi.

1 Samuel 10:16

Midtavak si Saul te, “Mibpesarig sikandin he egkeehè ded kes menge asnu.” Piru wazà keǥiya ni Saul ziyà te anggam din is migkaǥi ni Samuel mehitenged te kegkehimuwa kandin he hadì.

1 Samuel 12:13

Guntaan, heini en is hadì he mibpilì niw. Mibuyù niw sikandin, ne imbeǥey sikandin keniyu te Nengazen.

1 Samuel 12:15

Piru emun kenè kew edsunud te Nengazen, ne kenè niw edtumanen is menge suǥù din, ne edsilutan kew zin iring ded te mibeelan din te kepuun niw.

1 Samuel 4:20

Ne hein nekaanak en sikandin ne edluwèluwà sikandin te gehinawa, migkeǥiyan sikandin te menge mengunguyamu te, “Pekevurut ka! Su maama is anak nu!” Piru wazè en sikandin medtavak.

1 Samuel 8:19

Piru wazè dan pemineǥa is menge sambag ni Samuel. Ke sikandan te, “Kenà egkehimu! Egkesuatan dey he zuen hadì he ed-uwit kenami.

1 Samuel 8:5

Ke sikandan te, “Meǥurang ke en; ne is menge anak nu ne wazè dan meiringi is meupiya he menge vaal nu. Guntaan, beǥayi key te hadì he ed-uwit kenami, iring te zuma he nasyun he zuen dan hadì.”

1 Samuel 9:19

Ke Samuel te, “Iyan ad menenagnà. Huna kew en diyan te simbahan diyà te metikang he lugar, su heini he andew zuma kew kedì te egkaan. Ne keeselem te meselem, egkeǥiyen ku kenikew is egkeisip nu, ne human kew ǥenat.

1 Samuel 9:3

Sevaha zutun he andew, nengetazin kes menge asnu ni Kish, he amey ni Saul, ke sikandin te, “Dumaha nu is sevaha zutun te suluǥuen nu wey niw pen-ahaa kes menge asnu.”